pipasso, grinchepot... pi darbouka
Vlo don chl'acte 3 dé l'sérée d'Boves... chl'intrée in scin.ne, chl'intracte pi l'sortie d'scin.ne éd nous coepans qui l'ont foèt ch'déplachmint d'Harcigny, là-bos, au fin fond d'leu Thiérache...
aveuc éch pipasso, él cornemuse picarde qu'o dit coére pipossa, muchosa...
aveuc éch grinchepot qu'ch'est un timbor à freuttmints qu'o diroèt éne corne éd fréctinme...
aveuc éne darbouka qu'ch'est pus tchot qu'éne grosse tchaisse conme i l'dit Chouo ch'mucheu !
A chl'intrée, os avons ieu l'droét
à un air éd pélrinache dé chl'Hainaut
pi à un béhourdis d'Picardie
A chl'intracte, os avons ieu l'droét
à chl'air éd chés masques éd Picardie
à "Tiens, tiens, tiens, vlo Tchot Jean qui rvient " éd Bieuvau dins l'Sonme
pi à dz'airs d'chés Gilles dé chl'Hainaut
A l'fan, os avons ieu droét
à éne polka d'Arc-Aisnières dé chl'Hainaut
pi à l'troïka d'Bertrix éd Wallonie...
Dsur él scin.ne pi dins l'salle i n'éroèt pus mantcher qu'os dinchonches...
tout cho grâche à Francois Péry coére dit Chouo l'mucheu pi à s'fenme Claude qu'o dit coére l'Gleude...
Por intin.ne juer du pipasso, os clitchez dsur éch lien lo-in nsous... o voérez François Péry pi Robert Lamouret in conchert à Bieuvau (Tiens, tiens, tiens, vlo Tchot Jean...) :
http://cor-wynn.com/atelier/?tag=pipasso
ch'est dins ch'bos de ch'déroulmint dé l'page...