La Fête Nouormande 2010
La Fête Nouormande 2010
Fotaine-eul-bourg
L'ASSEMBLÈYE
EUD FOTAINE-EUL-BOURG
Allez, vlo l'seuite dé ch'passage dé chMahon-vert mon chés cousans nouormands !...
In Normandie, i n'feut point és séparer d'sin parpleuve... chtilo i m'foèt pinsier à tchéqu'un mais tchèche don ?...
Cha i est... l'brave Bécassine... os z'ons bien vu ch'parpleuve mais l'Bécassine, a s'étoèt muchée !
Comme dins tous chés fêtes éd traditions pi seurtoute région.nales, o sort chés jux tradition.nels ou région.nals !
Incroéyape !... os avons croésé un mont d'biélles jon.nes fenmes aveuc éne pieu d'lit pi leus ponmettes un mollé rosies... des Normandes, os nn'avons rincontrées éne poère !
pi, ch'est qu'as sait'nt té dinser... viroler... aveuc biéseur des bieux écvaliers bien normands !
In rapassant por rintrer dins l'salle éd rincontes, ch'est un eute prodeuit normand qu'os n'puvons mie ratier : éch chide... il étoèt fin boin éch chide à ch'Dominique Leroux pasque, os vous doutez bien qu'os ll'avons goûtier... i voloèt minme nous foère goûtier sin vinaigue éd chide équ ch'est du nanan qu'i disoèt... bon après éch jus d'ponmes, a n'éroèt pétête point été cho !
cht'honme-lo, os l'treuvarez à...
LE CAULE SAINTE BEUVE
ch'est l'Cidrerie du Petit Clos
40 route de la Forêt dins l'Seine maritime
Dins l'grande salle éd chés rincontes, i gnavoèt des gins qui disoèt'nt édz'histoéres in nouormand... bin mi qué j'sus picard, éj comprindoès pratiqu'mint toute... vu qu'ch'est nous cousans pi qué ch'nouormand, ch'est éne langue d'oïl...
Ch'est por cho qu'os étoèmes lo... por foère con.noèchinche aveuc nous coepans d'Jersey, chl'île anglo-normande d'où qu'ch'est qu'o parle anglais mais d'où qué ch'dialecte, éch Jerriais, bin ch'est pratiqu'mint du picard... conme à Guernesey.
Os avons été bien rchu os savez...
I gnavoèt lo ch'Geraint... éne boin.ne dgife nan !
pi eussi ch'Tony...
Li o n'put point dire qué ch'n'est point un ingliche... os avez vu és brongne... mais ch'est un sapré wèpe...
à chl'éstand, i gnavoèt eussi sin blanc-bonnet : Célia...
Bon os nous avons bien intindus pi ch'est por cho qu'l'énnée prochain.ne, bin os irons passier tchèques jors à Jersey vu qué l'grande fête nouormande a s'fro là-bos !
Chés Jerriens is l'étoèt'nt évnu in batieu in passant par Sant Malo... après cho, is l'avoèt'tn té foèt la route dusqu'à Fontaine aveuc leus carettes...
Rbéyez vlo éne voéture éd Jersey...
Ch'est éne Nissan Figaro...
Ch'est bien éne carette anglaise, éch volant il est à droéte... is sont totchés ézz'Inglais !
Béyez, i gno minme tous chés rinsin.nmints pi in jerriais coére...
Bin l'carette-lo, ch'est à ch'Tony... pi i nn'est fier conme os puvez l'vir...
Chés gins-lo, os puvez ézzès rtreuver dsur chl'arnitoéle... ch'est lo :
http://members.societe-jersiaise.org/sdllj/fete2008/fete2010.html
Allez vive la Normandie !