Frédéric Domon, ch'Lafleur

Frédric Domon, ch'Lafleur éd viande pi d'ous il est défuncté...
Un voéle noér il est dins ch'ciè éd chés Picardisants pi d'chés Picards...
Il avoèt bien cangé édpus sin darin méssache dsur sin blog...
Os nous doutoèmes bien qu'a n'puvoèt mie durer chl'affoére-lo...
Mais o né nous fsoème tout d'minme point à éne pérelle idiée...

Mercredi 21 d'juilet, à 13H15, i sro dins sn'habit rouge, dins ch'fond dé s'boête, conme il ainmoèt tant l'foère, tout nazu, tout seu aveuc éch Lafleur, és deuzièmz pieu.

Ch'étoèt un coepan, os ainmoèmes él rincontrer et i resse achteure, des photos pi à mzure des vidéos.

Os avons tértous, nous z'eutes chés Dgiseus d'Boves, éne pinsée por él Pascale pi tout l'fanmille.

ch'Lafleur à Vadincourt in 2008

ch'Lafleur à ch'répillet d'Contay in 2008

ch'Lafleur à ch'barbatchu d'chés Dgiseus d'Boves in 2008 in route à juer à ch'ju d'javlot

à l'dgise

ch'Lafleur pi s'carette à mouilles tout neu...

ch'Lafleur à ch'Bantchet d'chés comédiens in 2008

ch'Lafleur à ch'Téyate d'Argile por inrgistrer éne tchote pièche in 2009
"d'ouèche équ'tu viens ch'Lafleur ?"

ch'Lafleur à chés Wèpes éd Contay in 2009...

ch'Lafleur aveuc éne botelle d'ieu à s'man (photo rare)...

ch'Lafleur, dins chés gardins dé ch'Téyate 80, aveuc chés nazus d'la Pro in 2009

ch'Simon il avoèt comprins toute...

Os puvons coére értreuver Frédéric éch Lafleur dsur sin Blog qui restro muet achteure :

http://chlafleur.over-blog.com/

éch Lafleur éd viande pi d'ous os puvez l'értreuver dins l'vidéo d'où qu'il asplique d'ouèche qu'i vient...

http://www.dailymotion.com/video/x96kms_lafleurcpc2009_fun

Adé Frédéric Domon ch'Lafleur... pi tchèche qui sait... à s'érvir !

Comments

[françoise]

bonsoir Mariel
j'espère que tout va bien.
je suis rentrée hier soir je pense que j'irais à la réserve de Boves dimanche
je vous embrasse
à bientôt
Françoise

[roberte]

Merci pour ces images de Lafleur en action revêtu de son beau costume . Que de bons souvenirs cha me ramintuvinches!
Puis-je en extraire quelques photos ( 4 p'tête bin ) pour mettre dans mon blog et lui faire un adieu et prévenir mes adhérents de cette immense perte d'un si joyeux compagnon ed picard ?
Bizz à bientôt Mamie Patou Roberte

[chouo l'mucheu]

Ch'Mariel
pi Titine

Merci granmint pour les photos de Ch'Lafleur.
A nou foait du bien dl'ervir comme o... !
On pinse à li
pi à chtiote Pascale...

Adé
Chouo pi Gleude