Gazette L°49
Bon, nous vlo à ch'moés d'octobe
pi
l'Gazette éd chés Dgiseus L°49 a vient tout jusse dé déssatcher...
ch'est du picard éd gueuche à droéte
pi
du heut dusqu'in bos !
Quoéqu'ch'est qu'o put lire lo-ddins ?
pages 2-3-4-5
Honmage à Frédéric Domon ch'Lafleur
pi éne tchote pièche : "D'ouèche équ'tu viens ch'Lafleur ?"
Lafleur - Rvnez-i coére... binde d'oésieux d'malheur... imbréneus d'pouiller... assoéfeus d'déshydratés !... pasque du chirop d'galoches, ch'n'est point cho qui minque in nsous d'mes queuchures... nan mais...
pages 6-7
Un tchot mollé d'histoére...
L'rinconte dé ch'Camp dé ch'drop d'or
El Dgerre éd Chint ans all'est finie dpus 66 ans pi aveuc bien du mau. Os rintrons dins éne eute époque : chl'Ernaissinche... préchisémint por nous histoére, os sonmes in 1520...
pages 8-9-10-11
un conte aveuc éch diape...
Chés troés poéilles dé ch'diape
I gno d'cho un boin bout d'temps, i gnavoèt à chl'intrée dé ch'bos, éne tchote cahutte. Un botchillon pi s'fenme is vivoèt'nt té lo. Ch'étoèt la misére noére pi l'paure fenme a vnoèt d'métte au monde sin vingt pi eunième éfant....
pages 12-13
Chés mots croésés dé ch'Nanard éd Bussy
pages 14-15-16-17
un conte dé ch'tchoin d'Camon...
ch'Bracon.nier pi l'dinse éd chés soeurettes
Tchot Pierre, un bracon.nier d'Camon, il alloèt par chés bos dusqu'à zz'alintors éd Tchérrieu... Vlo qu'i s'apérchut qu'chés garénnes pi chés pardrix is l'évnoèt'nt seuter dins ses gambes conme por és foute éd li. Li, qu'o disoèt qu'ch'étoèt ch'pus asteu d'chés bracon.niers, i n'puvoèt point indurer cho... pi i s'o jeuré d'leu foère un sort...
pages 18-19-20
un conte à l'intor dé ch'pipasso...
Ech jueu d'cornemuse
Ch'mucheu, éch jueu d'cornemuse éd Cornéhotte, il étoèt viux... mais vraimint viux. i nn'avoèt point un dins ch'poèyis qui puvoèt dire qu'i ll'avoèt vu naîte... Ch'mucheu il avoèt jué dé sn'instreumint à tous chés noches, à tous chés baptinmes, à tous chés conmeunions. Minme chés pus viux dé ch'poèyis is ll'apploèt'nt chl'Inchête !...
pages 21-22
éne histoére d'hutteus
Ene histoére d'huteu, cha vut éne histoére éd cacheu... cho qu'i s'in vo seuire, ch'est éne véritabmint vraie histoére d'hutteus qu'all'est vraimint arrivée ! Ouèche don qu'a s'passe chl'affoére-lo ?... dins l'Baie d'Sonme... dins ch'débeut dé ch'moés d'novinme. L'neuit all'est noérte conme éch carbon. Ch'temps il est fin calme. I gno jusse un tchot mollé d'fréqu'tinme...
page 23
Un tchot mollé d'tcheuisine...
Si os avez un gardin pi qu'os avez ésmé ou bien rpitché des poérées (o dit coére des bettes), ch'est l'monmint dé nn'in tcheuiller pi d'vous att'ler à chl'érchette qué l'Titine a vous don.ne éch coeup-chi... Biéseur si qu'os n'avez point d'gardin, os allez à ch'Martché dsur chl'ieu pi os nn'in décachrez aisiémint... ch'gratin d'bettes à l'Titine
ch'gratin d'bettes à l'Titine
Por érchuvoér él Gazette L°49, os écrivez un mèle à ch'Mahon-vert
ou bien os téréphon.nez à ch'Mariel à ch'L° 03 22 09 23 20 por qu'i vous ll'invoèche...
par él poste, cha coûte 3,80 uros.