chmahon-vert

le picard vit, le picard se parle, le picard s'écrit...

13 mars 2011

chmahon-vert pi chés troés mousquetaires

L'eute coeup, chMahon-vert l'o té foère un tchot tour à Bruxelles... por aller vir chl'éspectaque dé ch'Téyate éd marion.nettes TOONE...

Quand qu'os êtes dsur l'plache d'Espagne...

h_tel_madeleine

os passez dvant chés Galries roéyales...

galeries_royales3

os prindez l'rue dé ch'Martché aux hérbes... pi lo, i gno éne impasse : chl'impasse Sante Pétronille...

toone_impasse2

ch'est un couloér... Dins ch'fond o n'puvez mie l'ratier...

toone_impasse3

pi dsur chés murs, os avez djo chl'ieu à vou bouque...

os continuez l'rue dé ch'Martché aux hérbes pi à droéte, os tchésez dsur l'Tchote Rue d'chés Bouchers...

restos_touristes

én' vous tchittez point ragriper, ch'est lo qu'i gno tous chés restos à tourisses... d'où qu'chés prix is l'mont'nt in minme temps qu'chés gins is rint'nt por matcher...

Dins l'rue-lo, i gno éne impasse : chl'Impasse Shudeveld... os z'i êtes, ch'est martché dins ch'fond...

toone_impasse

Dins ch'bout, i gno l'grosse porte in bos qua s'ouve dsur chl'éstaminet TOONE mais por chés cabotans, i feut monter chl'éscaier dusqu'à ch'deuziénme étage...  Os arrivez dins l'salle d'éspectaque... cha foèt tout drôle éd s'értreuver lo, ch'est un véritabe dépoèyismint !

toone_salle

Dsur chés murs, à ch'plafond, à l'rimpe d'éscaier, tout partoute... cha n'est qu'des cabotans qui l'attin.n'nt leu tour por rintrer in scin.ne. (clitchez dsur zz'images por ézzès vir in pus gros)

toone_marionnettes1 toone_marionnettes2 toone_marionnettes4 toone_marionnettes5 toone_marionnettes6

Cha i est, tous chés gins is sont assis... chés troés coeups is buqu'nt !

Ch'est aveuc Alexande Dumas pi chés mousquetaires qu'os allons passier l'sérée... pi croyez-mé, cha vo s'batte dsur él scin.ne !

toone_duel1 toone_duel2 toone_duel3

Conme si qu'os étoèmes au téyate ou bien au chilémo, i gno chl'intraque...

toone_mus_e1

Lo, o déchind d'un étage pi Nicolas Géal (ch'TOONE VII) i nous rchut dins sin musée... aveuc biéseur un TOONE taïon aheutché à ch'mur...

toone_mus_e2

éne fidjure éd carnavau au mitan d'chés marion.nettes...

toone_mus_e3

minme Napoléon il o s'plache dins ch'musée... (Waterloo a n'est mie si loin !)...

toone_mus_e5_napol_on

pi lo, jusse dins chl'intrée... l'garnoulle éd nous ducasse !...

rbéyez bien aveuc vous ziux d'Picards... os l'voéyez-ti ?

toone_mus_e6_grenouille

Ouès ch'est li... i n'puvoèt qué d'z'invitier ichi aveuc és'grande gamelle éch brigand-lo... ch'Lafleur il est lo qui warde éch musée...

toone_mus_e7_lafleur

Après avoir chucher én boin.ne Kriek, éne bière à la srisse... (infan, in i rbéyant d'pus près, tout l'monde i n'chuche point dé l'bière)...

toone_mus_e4

Os értornons dins l'salle por él fan dé l'pièche d'où qu'os allons értreuver d'Artagnan, Clémence, él Rein.ne, Buckingham, Richelieu, Rochefort...

toone_dartagnan toone_cl_mence toone_reine

toone_richelieu

...infan tous chés gins qui l'ont foèt chl'affoère dé ch'collier d'la Reine...

Ene sérée à ch'Téyate TOONE, ch'est un boin monmint à passier seurtoute qu'après os puvez goûtier tous chés bières dé ch'tchoin dins chl'éstaminet !


Por én'n'in savoér éd pusse... i gno qu'à clitcher dsur éch lien lo-in.nsous... os tchérez directémint dsur éch site dé ch'téyate.

http://www.toone.be/

Posté par chmahon-vert à 18:57 - Commentaires [0] - Permalien [#]

Commentaires

Poster un commentaire