chmahon-vert

le picard vit, le picard se parle, le picard s'écrit...

23 mars 2011

un martché point conme ézz'eutes

Diminche 3 d'avri, tout l'jornée, n'mintchez point d'évnir à ch'liméro 505 dé l'Queuchée Jules Ferry à Anmiens... ch'est jusse in fache dé ch'lavage éd carettes "chl'Eléphant Bleu"...

bio_amien

Nous z'eutes dé chMahon-vert, os srons lo aveuc tchèques jux picards pi nous voéx por apporter du picard à chés gins...

I s'in vo i avoér là-bos un Martché point conme ézz'eutes... ch'Martché dé zz'Altérnatives...

bio_affiche

Cha vut dire qu'i gn'éro là-bos un mont d'gins aveuc dz'idiées du contraire éd chétolles équ'chertains is veul'nt absolumint qu'o foèche conme is veul'nt !

Is sront lo por vous foère montrer écmint foére tout plein d'coses, por distchuter aveuc vous, por vous foère montrer qu'o put vive eutérmint...

Voéyons don cho qu'i s'in vo s'passier...

bio_buchoux

Agnés BUCHOUX, ch'est éne apotitchaire pi ch'est éne fenme édvant toute qua l'est passion.née par chés cosmétiques. all'o foèt sn'apprintissage por animer dz'atéiers d'fabrication d'cosmétiques naturels...

A sro lo por vous foère fabritcher vou lessive pi vous prodeuits d'bieuté...

 bio_clan_picard

ch'CLAN PICARD, Ch'est un résieu qui n'éminde qu'à nous déssatcher dé ch'Nucléaire...

Ch'n'étoèt point prévu qu'i gn'euche ézz'affoères du Japon, mais o diro qu'a tché bien...

http://groupes.sortirdunucleaire.org/agenda/Picardie/article/reunion-du-clan-picard

bio_enercoop

ENERCOOP, ch'est éne étchipe qua l'o l'volonté d'treuver des moéyens por él fourniture d'énergie in privée mais d'intérêt public...

http://www.enercoop.fr/

 bio_vertueux

PACO ch'gardinier, il est tours biéseur dins sin gardin dé l'Queuchée Jules Ferry... ch'est ch'Gardin d'chés Vertueux, un gardin naturel, écologique, botanique, pédagogique, ludique, artistique,dins zz'hortillon.nages. Paco Ch'est eussi un chroniqueur à France Bleu Picardie l'diminche au matan por vous aidier à bien soégner vous plantes vertes...

http://www.lejardindesvertueux.fr/

bio_la_nef

La NEF, ch'est éne coopérative éd fininches solidaires qua foèt dins chl'épargne pi qu'a délive des crédits.

http://www.lanef.com/

bio_abp

bio_abppicardie

Chl'ABP Picardie ch'est éne éstructure régionale qua met insan.ne tous chés gins qui foèt'nt cho qu'i feut por ch'dévlopmint dé l'Bio in Picardie.

http://www.bio-picardie.com/

 bio_terre_de_liens

à TERRE DE LIENS is propos'nt éd canger ch'rapport à l'terre, à chl'agritchulture pi à l'Nature.

http://www.terredeliens.org

bio_famapp

l'FAMAPP, ch'est éne Fédération dé zz'Achuchons d'maintien dé chl'Agritchulture poèyisane. All'aide, all'anime, a dévloppe ézz'AMAPP in Picardie por révnir à éne agritchulture durabe pi éne consommation solidaire.

http://www.amap-picardie.org/

BIO d'ICI et d'ABORD

Ch'est éne coopérative éd consonmation tornée dsur éch Bio.

516 Rue Saint Fuscien AMIENS

bio_biocoop

BIOCOOP ch'est ch'1er résieu d'boutique Bio in France. A vut dévlopper chl'agritchulture Bio pi a vut foère vinde un mont d'écoprodeuits.

http://www.biocoop.fr/

   bio_faucheurs

Chés FEUTCHEUS d'OGM, ch'est un movmint français d'gins qui l'équérbouill'nt chés camps d'où qu'o foèt dz'essais trinsgéniques pi des tchultures d'OGM.

http://www.monde-solidaire.org

RECUP'DESIGN

Rétchup'désign, ch'est un atéier d'éco-Conception d'meubes in carton d'rétchupération... in pusse, cha don.ne édz'idiées dsur ch'dévlopmint durabe.

http://recupdesign.blog4ever.com/blog/index-212646.html

bio_bababio

BABABIO ch'est éne boutique d'Anmiens éspéchialisée dins zz'habillures in coton bio évnu dé ch'conmerche pi dé l'mode éthique, tout cho foèt aveuc des teintures végétales.

http://www.bababio.com/

N'mantchez point cho...

pi à s'vir éch dimainche 3 d'avri

pi prindez vou picnic...

Paco i vous attindro dins sin gardin...

Posté par chmahon-vert à 18:04 - Commentaires [0] - Permalien [#]

Commentaires

Poster un commentaire