chmahon-vert

le picard vit, le picard se parle, le picard s'écrit...

21 mai 2011

tait'té don... os tornons !

info

dimainche 29 dé ch'moés d'moa 2011

ch'est l'Fête dé zz'Hortillonnages à Camon

rindez-vous à 9H

à ch'kiosque dé zz'étangs

por foère éne tchote pronmnate l'long dé l'Sonme pi dins chés Marais

chés gins dé ch'Mahon-vert is sro lo

aveuc leus histoéres...

 

Tait'té... os tornons !

Ch'est l'monmint dé ch'Concours por éch Picard dins chés collèges éd la Picardie...

chés nazus éd la Providence d'Anmiens is sont in plein ndins...

a min.ne à toute chl'histoére-lo...

zzès vlo in route à torner éne vidéo ouèche qué ch'Lafleur i rinconte Croédur...

ch'maquinge-off

vlo ch'maquinge-off dé chl'après-midi d'tornage... i gno un sécant d'photos... os n'avez qu'à clitchez dsur cho qu'os volez vir miux...

A s'o passié à Camon, mon Manme Delenclos, chl'apotitchairesse qua l'o érmis és'vieuse offichine in sarviche rien qu'por éch tornage... un grand marchi à elle !

Dins chés scin.nes, i gno Yohan dins ch'rôle éd Lafleur, Pierre Louis dins ch'rôle éd Croédur pi Victor dins ch'rôle dé chl'apotitchaire...

videos01 videos11 videos14 videos15 videos16 videos17 videos18 videos24 videos27 videos41

Por filmer tout cho, i feut chés machinisses... por cho i gno un éspéchialisse, ch'est Axel pi por én'point s'bérleurer dins chés prises pi métte toute in orde, i gno ch'clapmane qui l'est éscript dins l'minme temps, ch'est Simon...

videos02 videos03 videos04 videos12 videos13 videos25 videos26 videos28 videos31

à mzure, ch'Lafleur, équ'ch'est un métteu d'fu, bin i prind l'plache éd chés pros après avoér foèt ch'ménage à grands coeups d'sirop d'cleus d'galoches !

videos43 videos44

Quand qu'i rinte dins l'boutique, ch'Lafleur i n'foèt point dins l'dintelle... i feut bien qu'ses seuiers à cleus is li sert'nt à tchèque cose...

videos05 videos06 videos07 videos08 videos09

Infan, por équ'tout cho a sé passe bien, i feut incadrer tout l'jon.nesse-lo... ch'est lo qué ch'Baveu d'Boves i rinte in scin.ne por étnir chés nazus pi leu foère montrer écmint foère...

videos19 videos20 videos21 videos22 videos29 videos36 videos39 videos40 videos42

à mzure, margré cho, i sé nn'in passe du bieu dins sin dous... m'infan, ch'est des nazus hein !

videos23

Foère du chilémo, a n'est point éne décarsure... i feut eussi pinser à s'érposer... os éroèmes dû apporter chés cadots d'métteu in scin.ne pi d'vedette...

videos33 videos34 videos35

I n'resse mie pus qu'à croéser nous doégts pi à foère un avé por gangner l'palme d'or...

 

Posté par chmahon-vert à 14:46 - Commentaires [1] - Permalien [#]

Commentaires

    bonjour a tous je ne sais pas ecrire en picard mais c est du beau travail.

    Posté par stephane, 22 mai 2011 à 20:53

Poster un commentaire