chmahon-vert

le picard vit, le picard se parle, le picard s'écrit...

02 juin 2011

o cante à ch'collège

Conme tous zz'ans, ch'est ch'Concours dé ch'Picard à ch'Collège...

Après l'vidéo aveuc éch Lafleur pi Tchot Jacques Croédur, chés nazus d'la Providence is l'ont canté l'Canchon dé ch'Tourquénot qu'o put décacher dsur éch disque dé ch'groupe Achteure aveuc sin canteu vedette Flipe Boulfro coére dit chl'Hernu !

Os puvez lire chés paroles dé l'canchon pi eussi vir chés photos dé chl'inrjistrémint aveuc chés nazus qui sé sont saprémint anmusés...

Incroéyape cho, o s'anmuse à foère du Picard !...

Por vir chés photos in pusse gros, os clitchez édsur biéseur.

chanson chanson01 chanson03

 El séminche ed chuque

 

Un Tourquénoés s’in vo au chuquérier

I li déminde : quoé qu’ch’est qu’os vindez ?

Ej vinds dé l’séminche ed chu-uque.

Du chuque, o s’in lèquéro les doégts,

Dins l’été i vient tous les moés.

chanson04 chanson05 chanson06

Doucque, doucque, doucque, doucdouque.

Doucque, doucque, doucque, doucdouque.

 chanson07 chanson08 chanson09

Ech Tourquénoés li répond eussitôt,

Baille mé-nné por troés lives éd gros.

Baille mé chti qu’est ch’pus ra-are,

Baille mé du droét et pi du tordu

Car j’ai l’invie dé nn’esmer dru.

chanson10 chanson12 chanson13

Doucque, doucque, doucque, doucdouque.

Doucque, doucque, doucque, doucdouque.

 chanson14 chanson15 chanson16

Ech tourquénoés i s’in vo à s’moèson

Raconter à s’fenme tout éd bon,

J’ai dé l’biélle séminche éd chu-uque,

Vo, tu pux bien laissier lo tin dintlé-é,

J’té réponds qu’os sonmes riches assiez.

chanson17 chanson18

Doucque, doucque, doucque, doucdouque.

Doucque, doucque, doucque, doucdouque.

chanson19 chanson20 

Ech Tourquénoés s’in vo dins sin corti

Arracher quérottes pi radis,

Ponméterres, eussi bi-ét-ra-a-fes,

Des chous cabus, naviaux pi rémola-as,

A ésmer sin chuque à plein bras.

Doucque, doucque, doucque, doucdouque.

 Doucque, doucque, doucque, doucdouque.

chanson22 chanson21

El prémièré pleuve qua l’o évnu,

Sin chuque il étoèt tout fondu,

Vlo qu’i s’grattoèt à sn’é-ré-élle :

I s’in vo dire à s’fenme toute ému-ue,

Vlo tout min cortillage perdu.

chanson23 

Doucque, doucque, doucque, doucdouque.

Doucque, doucque, doucque, doucdouque.

 chanson25

Adon, si janmoès équ’Brûle-Moèson

I rapass’roèt dins chés cantons,

Cha sro éne histoére bien dro-o-le.

Dins Lille et pi dins tous les indroè-èts,

O parléro dé ch’Tourquénoés.

Doucque, doucque, doucque, doucdouque.

Doucque, doucque, doucque, doucdouque. (bis)

chanson25_copie

Posté par chmahon-vert à 13:45 - Commentaires [0] - Permalien [#]

Commentaires

Poster un commentaire