chmahon-vert

le picard vit, le picard se parle, le picard s'écrit...

27 juillet 2011

chmahon-vert à zz'étangs

Garnoulles dé l'mare ou bien d'bénitier... Hérons à long co pi longué tchilles... Cache à canards ou pêque au Moéyan-âge... Evnez don dimainche 30 éd juilet à 14H30 à l'Réserve éd Boves... os pass'rez un boin monmeint ! pi i gn'éro un coeup d'chide après l'tchote rinche...
Posté par chmahon-vert à 16:22 - Commentaires [0] - Permalien [#]

13 juillet 2011

du picard sur chés bords éd l'Oése

Dimainche 10 éd juilet i gn'avoèt du picard dsur chés cmins dé l'Réserve naturelle éd Boves... Vlo chés rescapés qui l'ont ieu l'droét d'boére un coeup d'chide por leu érmette d'éne parelle avinteure... Dimainche 17 éd Juilet ch'est chés Wèpes éd la batellerie... os vous don.nons rindez-vous à 10H à Longueil Annel à l'Chité d'chés Batéliers por éne tchote balade ouèche qué ch'Mariel ch'Baveu d'Boves pi Titine él routchine is s'in vont vous triner dsur chés bords éd l'Oése por des liries qui parl'nt éd chés batéliers pi... [Lire la suite]
Posté par chmahon-vert à 13:57 - Commentaires [0] - Permalien [#]
04 juillet 2011

histoéres dins l'réserve éd Boves

 Diminche 10 dé ch'moés d'juilet chl'Achuchon "ch'Mahon-vert" aveuc Titine él Routchine pi Mariel ch'Baveu d'Boves     a vous rchu à l'Réserve naturelle éd Boves Rindez-vous à ch'Pont prussien à 14H ch'Thomas dé CPIE i vous parléro dé l'Réserve... ch'Mariel pi Titine is vous diront dz'histoéres éd bétals à pattes pi à z'ailes... in picard biéseur ! por énn'in savér éd pusse : 03 22 09 23 20        
Posté par chmahon-vert à 18:59 - Commentaires [2] - Permalien [#]