chmahon-vert

le picard vit, le picard se parle, le picard s'écrit...

18 septembre 2011

soleil picard

Bin ouès... cha i est, chés parpleuves is sont sortis !

pluie

mais ch'solé il o partitchulièrmint brillé dins nou boin.ne Picardie...

notammint grâche à nou langue qua don.ne tant d'caleur dins chés tchoeurs !

Biéseur, i gno tous nous copans d'chés jux, chés conteus, chés téyateus, zz'écriveus

qu'a fuche por éch compte éd leus achuchons

ou por éch compte éd chés fédérations conme "Tértous"

ou por chl'Aginche por éch Picard

ou bien coére por "chés Wèpes"...

pi i gno tous chétlos qui zz'acout'nt...

Mi j'vous parlrai seurtoute d'chés gins éd "Dgise dins zz'abes" pi dé "ch'Mahon-vert"...

Grâche à eux, ch'bieu solé dé ch'Picard

il o d'abord passié par ézz'écoles dé ch'Poèyis d'chés Ouins-Ouins... dins ch'moés d'avri...

Photos_expo_et_jeux_090

 quand qu'chés nazus is sont vnus acouter dz'histoéres éd chorchelles racontées par ch'Baveu d'Boves pi Titine él routchine...

Photos_expo_et_jeux_089

 Après cha o té l'grande fête dé zz'hortillon.nages à Camon... dins ch'moés d'moa...

por intinde édz'histoéres éd bétals d'ieu...

minme qué ch'Maurice il o wardié toute dins s'castchette !

conteurs07

 histoéres d'intalles, éd canards, d'hutteus...

hutte04

 seurtoute quand qué ch'Mariel il o lu un morcieu dé ch'live éd Paul Wimereux...

Chutt le Hutteu

"éch vol éd mineuit"...

qu'il avoèt érfoèt in Picard...

hutte09

 Grand solé eussi à ch'Collège éd la Providence d'Anmiens...

ouèche équ'chés nazus is l'ont ieu un ac.chessite por leu trahal

dins ch'Concours dé ch'Picard au collège...

seurtoute por leu  vidéo "Croédur pi ch'Lafeur"

qu'o put vir dsur éch site dé chl'Aginche por éch Picard...

07_lapro1

 Por fêtier cho, is l'ont ieu tout un après-midi à s'intriner à chés jux picards !

assiette3

 Pi  chés congés as sont arrivées...

aveuc éne prémière balade dins l'Réserve éd Boves

aveuc ézz'histoéres à ch'Baveu pi Titine...

BOVES_Ch_Mariel_visite_en_Picard_003

 aidiées por cho par éch Thomas qui l'o jué du pipeau japon.nais...

thomas

 Chés gins is l'ont té fin hureux d'boére éne tchote bolée d'chide

après avoér foèt 1 tchilomète 300 in troés heures...

grâche à ch'Mariel qui méritoèt bien lo sin surpitchet d'baveu...

contes

 Dins ch'moés d'juilet, ch'est à l'chité d'chés batéliers d'Longueil-Anel

qu'chés gins is l'ont prins du picard dins leus érelles...

canal

 tout du long dé ch'canau...

conte_canal_fr3

 minme qu'o z'i o rincontré FR3...

conte_canal_fr4

 histoéres d'ieu pi d'garnoulles...

conte_grenouille1

 histoéres éd batéliers pi d'chorchelles...

conte_perron3

 margré l'pleuve, chés jux is l'étoèt'nt éd sortie...

jeux1

 pi ch'groupe "él gambe éd min pied"

il o su réqueuffer chés corps pi chés tchoeurs...

gambe_trio6

 chl'Adrien in prémier...

qu'a fuche aveuc ésn'accordéion ou bien sin piano à bouque !

gambe_trio7

 Durant ch'moés d'eut, ch'est à l'réseve éd Boves qu'os nous sonmes értreuvés...

__ch_pont

 i fsoèt bieu... minme qué chl'Agnus Dei (un fanmeux crotcheu d'ponmes)...

il avoèt coéffé sin canotier por és'protéger dé ch'solé !

 102

 Marcelle, brave fenme, all'o poussé éch Serge tout long dé chl'écmin...

vu qu'chés sintiers achteure is sont foèts pour...

112

 Ch'Pascal il avoèt prins l'plache à Thibault

pi i nn'o dit des coses sarieuses à chés pronmneus...

117

 Tindisse qué ch'Baveu pi Titine is racontoèt'nt édz'histoéres éd brigands !

127

 minme équ'chés vaques nantaises qua l'avoèt'nt té peur d'intinde cho...

as s'muchoèt'nt in nsous d'chés coverts..

143

 Qué bieuté qué l'réserve éd Boves...

145

 Por él darin.ne balade dé chl'énnée-chi, chl'Agnus Dei il étoèt révnu...

probabe qu'i n'avoèt point comprins toute l'eute coeup...

ou bien cha li avoèt tant plu qu'i voloèt rintinde ...

Tindisse équ'Manme Pottier, elle, a prindoèt des notes...

adeline

 Os z'ons pu vir chés resses éd chés larves éd chés dmoéselles...

tout cho grâche à l'bielle Adeline

qua l'avoèt prins l'plache à ch'Pascal por éch ccoeup-lo !

larves

i gno coére ieu dz'histoéres à Rouvrel...

histoéres éd diabes pi d'bricassis dins chés camps dins ch'moés d'avri...

coére dins ch'moés d'avri

du picard dins zz'érelles éd chés clients dé ch'café "Le Cajou" à Anmiens...

i gno ieu eussi dz'histoéres pi des tchotes scin.nes

à ch'Grand Martché picard éd Sant Leu d'Esserent dins ch'moés d'join...

éne tchote animation dins chés camps d'Morlancourt

dins ch'moés d'eut

por él grande fête éd "Plaine en Fête"...

pi aveuc l'fin dé ch'bieu temps,

des tchotes scin.nes pi dz'histoéres un mollé osées

por chés gins dé chl'hippodrome d'Anmiens...

 

Infan, un bieu été por éch picard aveuc éch Mahon-vert...

pi os puvez nous croère...

chl'aprézeut i sro seurmint eussi bieu !

Posté par chmahon-vert à 19:10 - Commentaires [0] - Permalien [#]

Commentaires

Poster un commentaire