chmahon-vert

le picard vit, le picard se parle, le picard s'écrit...

21 octobre 2011

ch'matcheu d'gueugues

Chés Matcheus d'gueugues, ch'est ch'surpitchet dé zz'Anmiénoés... à coeuse qu'is sé sont foèts avoér par ézz'Espagnols durant l'Dgerre éd Trinte ans, i gno d'cho un sapré bout d'temps !

Des matcheus d'gueugues, i nn'o tout partoute... i nn'o minme un qui l'arpinte min gardin tout long du jour vu qu'il est tapissé d'gueugues qui nn'in finit'nt té point d'tchèr seurtoute aveuc éch vint qu'os avons dins chés prémiers jours éd l'aprézeut...

il est telmint bieu ch'bétal-lo qué j'n'ai point mantché dé l'photographier in route à foère sin trahal !...

01_

 un étchureul cha court éd droéte pi d'gueuche...

 02

 pi chés gueugues, as né l'ont point belle !

03

 qué bielle pose !... ch'est por él photo..

04

 des gueugues, i nn'o des chintain.nes...

05

 ah !... n'in vlo éne à min goût...

06

 Ahite, i feut qu'jé l'cange éd plache...

07

 Bon vlo un bieu tchoin...

08

 Allez, éj déheute un treu...

09

 pi jé l'muche én-ndins...

10

Ej tasse un tchot mollé...

11

 bon parson.ne dé ch'côté-chi..

12

Parson.ne dé ch'côté-lo... j'm'in vos nn'in rcacher éne eute !...

mais soin, chés gueugues as n'intéress'nt point qu'ézz'étchureuls...

13g

 vlo un bétal à pleumes qui sé nn'in mêle...

14g

 un jacques droét dsur ses pattes...

16g

 pi i n'est point évnu tout seu... il o sorti és'jacotte...

15g

j'ai comprins... i vo folloér qué j'foèche ahite à rintrer chés gueugues si qué j'vux foère du watieu pi soégner mes vértèbes !

Posté par chmahon-vert à 18:57 - Commentaires [2] - Permalien [#]

Commentaires

    Un tiot b'jour de ch'sud

    Merci pour les très belles photos ... c'est toujours avec plaisir qu'elles nous rappellent le pays...

    tout va bien chez nous.... si c'était possible pour vous de venir nous voir , (beauvais ... béziers par Ryanair.... ) c'est quand vous voulez.....

    André , Nicole et pupuce (SPA)

    Posté par dédé, 25 octobre 2011 à 12:25
  • aaaaaaaah !!
    j'ai vu les mêmes au Canada - aussi espiègles que celui-ci.
    Ton blog respire la bonne humeur. Merci.

    Posté par Ann, 20 novembre 2012 à 13:16

Poster un commentaire