chmahon-vert

le picard vit, le picard se parle, le picard s'écrit...

10 novembre 2011

éne biocoop à Anmiens

In 1982,

éne coopérative Biocoop a s'ouve dins l'friche industrielle

à ch'L°219 dé l'route d'Adville à Montières (Anmiens)...

 In 2002,

chl'Olivier pi l'Karen is l'racat'nt por foère éne SARL Biocoop...

olivier  karen

In 2006,

is déménaj'nt à ch'L°505 dé l'queuchée Jules Ferry d'Anmiens por foère él Biocoop d'Anmiens...

 biocoopferry

In 2007,

is freum'nt él boutique dé l'route d'Adville...

In 2012,

is déménajront à ch'L°84 dé l'route d'Anmiens à Dury por rintrer dins un bâtimint tout neu à basse consonmation...

 affiche

L'Biocoop à Dury, cha sro :

biocoop1

- éne éd chés 320 boutiques Biocoop éd d'la France

- éne boutique d'alimintation bio pi d'prodeuits écologiques

- éne boulinge bio

- éne pièche por chés soins esthétiques

in conclusion,

un magasin ouèche qu'o put foère ses conmissions in véritabe consonm'acteur !...

biocoop2

Dins ch'nouvieu bâtimint, toute il est foèt por optmiser chl'énergie pi chl'inviron.nmint.

chl'Olivier il asplique

qu'i n'puvoèt point foère eutérmint qué d'bâtir éne éco-construction...

ba7

pi foère montrer qu'étoèt possipe in racomparant aveuc ézz'hypermartchés...

bat1

pi qué constreuire un bâtimint basse consonmation énergétique, ch'étoèt aller dins ch'boin sins, dins ch'respect d'la Terre pi dé zz'Honmes...

bat2

qu'i feut toute foère por tchitter un boin héritage à nous éfants...

Ch'bâtimint i sro por és'pus grande part in bos...

bat3

l'caleur dé ch'four à pan a sro rétchupérée...

chl'énergie dé ch'groupe éd froéd a sro rétchupérée...

bat5

toute i sro foèt por rétchupérer tous zz'énergies possipes...

Dins ch'moés d'octobe,

i gno ieu l'visite éd chintier...

i fsoèt un temps du diabe... à n'point mette un tchien déhiors !

gr13_copie

 aveuc chl'érprésintant dé l'ville éd Dury...

gr8

Un tchot tchoin d'paradis conte un tchoin d'parapleuve...

 gr6

Bon i gno ieu un coup à boére por réqueuffer chés tchoeurs...

 gr11

os nous rvoérons por chl'ouvérture in 2012 !

bat4

Posté par chmahon-vert à 18:05 - Commentaires [3] - Permalien [#]

Commentaires

    marci marci mille foé

    bonjour ch'mariel pi titine,

    ça c'étio vreument sympo de faire un si bio blog, nous zote avions bien rigolé quand n'savons lu ch' blog. j'aspaire ne po faire trop ed fautes d'otrchograephe passque jsuis point du coin.
    J'aspaire que tout vo bien en cweek end au pays de oins oins à boves.
    SI vous zotes et d'accord on fra un ch'lien dnot sit internet dla biocoop vers vot blog.

    j'men vas ldemander à l'marion po plus tard que lundi.

    bises à tous !!!

    ch'olivier et pi l'karen pi che 3 zinfants

    Posté par ch'lolivier pi K, 13 novembre 2011 à 14:55
  • ch'est bien min boin olivier pi m'boin.ne karen d'insoèyer d'édviser in picard...
    i gno coére du trahal mais os z'i arrivrons... os méttrons dz'éstages in plache !
    amitesmint
    ch'baveu

    Posté par chmariel, 13 novembre 2011 à 20:05
  • ben oui hen

    ben oui hen qui y'a du trahal; certain.ment monsieur d'lahaute Picordie qui cose picard, scusé moi mais j'suis point picarde, j'men vien même d'un bon coin où cé ti que tout tertous ben y sont tout noirs comme du charbon dit !!!
    pi c'est que j'a voyagé mooi, j'mélange tout ces dialectes scusé moi ....
    ma j'men vais m'inscrire à ch'estage, d'accord

    à dé pi cé toute

    l'karen bi ch'baveu dl'olivier pi che 3 nazus qui sont au pieu à c'theure

    Posté par olikalelayum, 14 novembre 2011 à 20:48

Poster un commentaire