un épisode neigeux conme is dis'nt

Bon, os courons vers éch boin temps

mais l'hiver i s'est foèt montrer

por s'otcheuper éd chés vermines...

pi chés vermines

i n'édvroèt pus énn'avoér dins chés gardins ovriers

dé l'chité d'chés Ouins-Ouins...

 chl'étang Sant Nicolas il avoèt toute d'éne patinoére...

mais l'glache a n'étoèt mie solide assiez

por qué chl'étchipe d'hotchey éd chés Gothiques d'Anmiens

a viénne foère és'intrain.nmint édsur...

ch'qui n' o point impêtché qu'i nn'o qui l'ont réeussi

à tchitter des traches in seurfache...

qué bétal qui l'o pu foère cho ?...

glache, neiges, froédure, temps gris, frectinme...

tout chl'arsenal éd chés corts jors..

 chl'étang Sant Lade dé l'Réserve éd Boves l'o prins eussi sn'habillure d'hiver...

 o sé croéroèt minme dins l'toundra

là-bos in Sibérie...

à vir chés traches tchittées par chés bétals...

chés rus is l'édvienn'nt édz'autoroutes...

à mzure, minme diffichile d'i comprin.ne un nséquoé

dusr éch mélimélo qu'il o dû és'foère ichi...

mais ouèche qu'il est don chl'écmin ?

hureusmint qu'i gno dquoé s'rétnir por én'point glincher pi casser s'dgife dsur chés passrelles..

rindez-vous compte...

ch'mont d'neiges qui l'o tcheu

il o broyé éch seue...

nan, a n'est mie vrai.. il est tcheu à chl'hernu éd 1999...

 in attindant chl'érdoux, l'Ave a sé fout bien éd tout cho...

pi all'inmin.ne ésn'ieu tout duchmint vers él Sonme...

tours est-ti

qué ch'temps i put t'ête maouès...

os avons cho qu'i feut por én'point t'aglaver d'fam...

pi

os n'mantchrons point éd bos por foère tcheuire tout cho !