ch'camp d'soéle dé l'Madlein.ne (1)
por bien vir clitchez dsur chés photos
ch'est un tchoin éd verdure
ouèche qué zz'habitants is sé sint'nt biénaise
évnus lo
conme tértous
pi
des foés oubliés
margré chés colon.nades
is n'vién.n'nt té point dé l'Rome Antique
mais is l'ont vu tértous
él leumière
leumière habitée
leumière cathédrale
leumière discrète
des foés... éclatante
pi i gno chés grandes avnues
aveuc chés bieux hôtels
chés plaches incombrées
chés tombes évnues d'ailleurs
chés tombes clintchantes
chés tombes papales
chés tombes d'ouèche qu'o s'écappe
por un chinq à sept
ou bien
por chl'éternité
chés tombes ouèche qu'o s'érpose
chés tombes dins zz'abes
chés tombes aveuc tous chés misères dsur ses épeuilles
chés tombes impériales
à cahoin mileu
chés tombes éd grandes fanmiles
ouèche qu'o s'prind por dz'ésphinx
a n'doét point rigoler tous les jors ichi
ch'est cho ch'camp d'soéle dé l'Madlein.ne à Anmiens...