soirée honmage à Jacques Varlet (2)
os avons fini clh'énnée 2013 aveuc nou copain tchot Jacques Valet...
os cminchrons chl'énnée 2014 aveuc li eussi...
dvant toute
éne boin.ne énée 2014
à tout chés gins qui l'ainm'nt té prinde
du picard dins leus ziux pi leus érelles...
à chétlos d'France d'ichi pi par édlo d'chés mers...
mais eussi tous chés visiteus du monde
qu'is rest'nt au Canada, au Vietnam, aux States,
in Australie, in Italie, in Belgique, in Allemagne...
infan, tous chés gins qui l'ouv'nt chés pages dé ch'Mahon-vert...
os nous étoèmes tchittés
aveuc "chés calémichons"
(escargots in français)
après cho
cha o té l'drôle d'histoére dé "ch'tapeu d'cleu"
aveuc por él'lirie : Mimi, Gadoux pi Juju...
pi por chés scin.nes,
miqueline in alleumeuse...
Monmariréné in maque
pi ch'Maristér in dinseu...
Titine él routchine pi ch'Baveu in tapeus d'cleus...
pi por finir
Monmariréné in chimpion d'chés tapeus d'cleus...
chés gins is nn'in pérd'nt point éne miotte...
pi a n'est point fini...
à Brucamps, i gno point d'grotte dé l'Vierge
mais i gno "ch'miratchulé"
éne histoére lue par Titine pi ch'Maristér
aveuc Mimi, Miqueline pi Juju dins ch'rôle éd chés prieuses...
pi ch'Baveu dins chti dé ch'miratchulé qui l'amidole sin cot...
dins touts chés poèyis, i gno dz'ivrongnes
Mimi, Miqueline, ch'Maristér pi Monmariréné
is l'ont traché leus portraits...
Juju i tient bien ch'rôle...
pi coére pusse quand qu'il o à rfoère aveuc éch Baveu...
après cho, Mimi pi ch'Baveu is l'ont li "ch'rossigno"...
dé ch'nom d'éne rue d'Brucamps ouèche équ'chés join.nes is fsoèt'nt tous leus teurpitudes...
Titine él routchine, Gadoux pi ch'Baveu
is l'ont fini in lisant ch'darin texte équ tchot Jacques il avoèt écrit
"l'motothérapie"
ouèche qu'il asplique chés biéfoèts d'chés deux roues...
biéfoèts qui finalmint is l'éront été in gros, él coeuse dé s'mort...
fini !... nan...
pasque ch'Baveu i voloèt un nséquoé...
ch'est qu'Françoése, éch blanc-bon.net à tchot Jacques
a liche, por él prémière foés dé s'vie,
un texte in picard...
pi qu'a fuche un texte à Tchot Jacques...
"ézz'ourlons"
cho qu'all'o accepté d'foère
sins oblier d'érbéyer Tchot Jacques les ziux dins les ziux...