chmahon-vert

le picard vit, le picard se parle, le picard s'écrit...

28 février 2015

autre visage de la baie

Durant chés grandes marées

ch'cié il érjoint l'mér..

01 dentelle de craieDins des couleurs tcheuivrées

plombées...

03 clair obscurchés falises dé chBourq-éd-Eut

as rinvoèy'nt él leumière dé ch'solé

qui l'o tant mau à sortir éd chés nuages...

06 falaisesin rbéyant vers éch sud

ch'est éne dintelle éd craie

qua nous min.ne dusqu'à Etretat...

04 cordonin rbéyant vers éch nord

ch'est un long cordieu d'cayeux pi d'sabe

qui nous min.ne dusqu'à Berck...

08 falaisesrévnez vers éch sud

zoumez un tchot mollé

os porrez admirer

ch'Bos d'Cise à l'prémière crinqu'lure...

Mérs pi ch'Tréport à l'deuzième...

pi cha sro conme cho dusqu'à ch'bout

mais os restrons dins l'Sonme...

05 cayeuxrévnez vers éch nord

os porrez décacher dins l'frectinme

chl'Hâbe d'Ault

l'muralle éd cayeux d'Tchéyeux

l'point dé chl'Hourdel

chtolle éd Sant Quentin-in-Tourmont

pis d'lo

Tchend-Plage pi Fort-Mahon

minme équ si ch'phare éd Berck i vut bien s'alleumer

os traversrez l'Baie d'Authie...

mais, os restrons dins l'Sonme...

02 protectionOs comprindrez miux alorse

à coeuse équ'Colette, Victor Hugo, Jules Verne

pi bien  dz'eutes

is l'ont tcheu anmoureux dé l'Côte picarde...

Posté par chmahon-vert à 16:59 - Commentaires [3] - Permalien [#]

Commentaires

    Ché bin bieu tout cho !
    amiteusmint,

    J.P.

    Posté par jpp, 02 mars 2015 à 08:59
  • merci pour ce moment d'évasion;

    carole

    Posté par carole, 03 mars 2015 à 08:55
  • merci de cette carte postale de AULT pi de ch' CROTOY que nous aimons tant.
    Amiteusement

    Posté par leila, 10 mars 2015 à 09:24

Poster un commentaire