chmahon-vert

le picard vit, le picard se parle, le picard s'écrit...

29 décembre 2015

à la poursuite de Carmichaël

une petite visite des lieux courus d'Ailly...

01 dvant l'garel'gare...

ch'est lo qu'tous chés join.nes is leu rtreuvoèt'nt

por prinde éch tran d'7H au matan por aller à ch'lycée

pi

por déchinde dé ch'tran d'7H à vrèpes in révnant dé ch'lycée..

04 mairie-écolechl'école conmeunale...

ch'est lo qué chés join.nes d'avant dgerre

is l'eusoèt'nt leus patalons dsur chés clantcheus...

in.nhui, ch'est l'moèrie pi tous chés sarviches dé l'conmeune...

08 rotondel'crèche Carmichaël...

ch'est lo qu'tous chés bouzrés is vnoèt'nt

temps qu'leu parints is l'alloèt'nt trahaller à l'fabrique (Carmichaël)...

in-nsous l'boin.ne warde éd Manmzelle Rosensthiel pi Manzelle Mathiot...

09 bureaux directeurschl'usine Carmichaël...

ch'est lo  qu'tous chés gins d'Ailly is vnoèt'nt user leus doégts

por éch pus grand bien d'chés patrons : Mossieu Vandevanter pi Mossieu Bonneville...

11 cité et patronnagechés chités Carmichaël...

ch'est lo qué zz'ouvriers dé l'fabrique is restoèt'nt

dins chés moèsons qu'chés patrons is l'avoèt'nt foèt constreuire por eux...

19 cmin catieucho ch'est chl'écmin qui min.ne à ch'Catieu Carmichaël

route éd Saveuse...

Olga all'étoèt toujours adeussée à ch'mur dé s'moèson d'gardién.ne...

20 ch'muret ch'muret...

o l'voét coére route éd Saveuse... i don.ne dsur él Nationale...

ch'est lo qu'tous chés gins dé ch'quartier is leu rtreuvoèt'nt au boin temps pour foère la parlotte...

22 mont roussich'Mont roussi...

un écmin point possibe qui permettoèt éd joinde "ch'village" à "par in heut d'Ailly"...

soin dins zz'énnées 50, ch'étoèt un écmin d'cailleux fin danjureux qu'chés nazus is l'adoroèt'nt déchinde à toutes bérzingues...

28 dgisech'ju d'dgise...

o n'put point parler d'Ailly sins parler dé ch'ju d'dgise...

tous chés nazus is juoèt'nt à cho, chés garchons eussi bien qu'chés files...

31 tchoin ruchech'tchoin d'la Ruche...

tous chés jon.nes gins is leu rtreuvoèt'nt lo por poser leus tchuls...

por attinde él déchinte dé ch'train

ou por attinde és'tchote poulette

ou tout bêtmint por distchuter intér copains...

30 60ème ri

l'rue dé l'Briqutrie...

inhui rue du 60ème RI...

ch'est lo qu'j'ai usé mes fonds d'patalon pi gratigné mes gnoux...

mais ch'est éne eute histoére !

Posté par chmahon-vert à 14:50 - Commentaires [4] - Permalien [#]

Commentaires

    il est bieu tin capieu ech pére.. t'aurais pas reconnu... bonne journée

    Posté par michel, 09 janvier 2016 à 15:00
  • Merci pour cette visite d'Ailly de notre époque. J'ai bien aimé que tu parles du "guise"...
    Amitiés
    Philippe

    Posté par philippe, 09 janvier 2016 à 15:01
  • trop bien ton site où j'ai revu la gare d'Ailly ect ect....j'ai parcouru toutes tes photos avec beaucoup d'émotion. Si tu as des anciennes photos de l'endroit où l'on jouait avec ch'Daniel où l'on a fait les 400 coups en s'inventant des histoires" à dormir debout". Que de souvenirs. Que je suis heureuse de pouvoir en parler avec toi.
    Merci... Bisous min t'choMariel.

    Posté par françoise, 11 janvier 2016 à 11:59
  • Je suis revenu sur cette visite d'Ailly de notre jeunesse, plein de souvenirs remontent en surface, des prénoms, Anne Marie, t'chot Lulu.... C'est bien loin tout ça..... Et les parties de guise avec les grévistes de l'usine en 68!!!!!
    Amitiés
    Philippe

    Posté par Philippe, 03 avril 2016 à 21:05

Poster un commentaire