chmahon-vert

le picard vit, le picard se parle, le picard s'écrit...

26 septembre 2015

bieu été à Saint Riquier

cha i est chés cours is l'ont érprins... zz'éleuves dé l'Términale ES dé ch'Lycée Sant Riquier d'Anmiens is l'ont pu passier des boins congés puqu'is l'ont tértous ieu leu bachot... seur qué d'foère un tchot mollé d'téyate in picard chl'énnéée durant cha o dû ézzès libérer pi zzès métte in condition... vlo tchèques photos d'leu sérée picardisante jusse édvant d'rintrer dins chés salles d'éxamin... d'abord aveuc "ch'Catieu d'Lafleur" pi aveuc "chés rin.nes dé ch'Père Noé" pi coére aveuc "chl'inviux pi... [Lire la suite]
Posté par chmahon-vert à 09:44 - Commentaires [1] - Permalien [#]

15 juillet 2015

Son pi Leumière éd Rouvrel 2015

ch'darin Son pi Leumière éd Rouvrel ch'étoèt in 2005... 10 énnées djo ! chés 17 pi 18 éd juilet 2015 aveuc ch'Conmité d'Rouvrel chés Dgiseus d'Boves chés Gins dé ch'Son pi Leumière éd Bonnay pi bien dz'eutes os fêtons chl'an.niversaire... os vous attindons don por chl'éspectaque... amiteusmint chBaveu
Posté par chmahon-vert à 07:54 - Commentaires [0] - Permalien [#]
03 avril 2015

une balade sympa en Somme

Aveuc éch bieu temps qui l'érvient... chés feulles pi chés fleurs as doév'nt és'démucher ! alorse os partchez vou carette durs l'plache d'Hingest dsur Sonme pi os allez décacher ch'Marais d'chés Cavins... est fin bieu ! ch'marais vu d'in-heut dé ch'larris dsur l'route éd Longpra... dsur l'route qua vo à Bourdon à ch'pont, prinde à gueuche suire él Sonme pi rintrer par él passrelle... pi lo os vous tchittez dgider par chés sintiers pi chés pancartes... él mare pi chés tétards... mais quoéqu'ch'est... [Lire la suite]
Posté par chmahon-vert à 15:14 - Commentaires [0] - Permalien [#]
22 mars 2015

la falaise recule

Dins chés temps d'grands flots dé l'marée d'équinoxe... i feut pinser qué l'falise all'értchule fache à l'dgerre équ'chés vagues as li foèt'nt... chés gins dé ch'Bourcq-éd-Eut is n'sont point rasseurés... por preuve dsur ch'front d'mér éne moèson témoin... él villa "Verveine"... allons un tchot mollé vir éd pusse près cho qu'i nn'est ! *(clitchez dsur chés photos) L'tchestion a resse posée !    
Posté par chmahon-vert à 11:45 - Commentaires [0] - Permalien [#]
14 mars 2015

du picard à ch'lycée

Por chl'énnée éscolaire-chi 2014/2015 i gno coére un atéier picard à ch'lycée  Saint Riquier d'Anmiens... ch'est zz'éleuves d'éne terminale inmnés par Virginie leu professeuse éd mathématique pi Pascal leu professeu d'écononmie... qui s'prépar'nt à monter dsur scin.ne... dvant cho i feut in preume distchuter d'cho qu'os allons foère... i feut t'aller à l'décoverte éd chés texes... i feut comprinde pi asplitcher cho qui s'muche dins chés lingnes... a n'est point si tant aisié qu'cho... mais ch'Baveu d'Boves... [Lire la suite]
Posté par chmahon-vert à 14:09 - Commentaires [0] - Permalien [#]
28 février 2015

autre visage de la baie

Durant chés grandes marées ch'cié il érjoint l'mér.. Dins des couleurs tcheuivrées plombées... chés falises dé chBourq-éd-Eut as rinvoèy'nt él leumière dé ch'solé qui l'o tant mau à sortir éd chés nuages... in rbéyant vers éch sud ch'est éne dintelle éd craie qua nous min.ne dusqu'à Etretat... in rbéyant vers éch nord ch'est un long cordieu d'cayeux pi d'sabe qui nous min.ne dusqu'à Berck... révnez vers éch sud zoumez un tchot mollé os porrez admirer ch'Bos d'Cise à l'prémière crinqu'lure... Mérs pi ch'Tréport à... [Lire la suite]
Posté par chmahon-vert à 16:59 - Commentaires [3] - Permalien [#]

16 février 2015

ah la baie de Somme

un diminche éd févérier à Saint Wary...   Bieuté pi trintchilité dé l'Baie d'Sonme... d'l'eute côté dé l'baie... Le Crotoy souligné... Le Crotoy inondé dé ch'solè couchant... pi lo, muché dsur éch sabe... in route à foère prangére... il est lo ch'pépère... un vieu marin... soin dé n'point confonde... aveuc un viux marin... pasque des viux marins i nn'o pus dgère dins l'Baie d'Sonme !  
Posté par chmahon-vert à 18:23 - Commentaires [3] - Permalien [#]
16 janvier 2015

t'es d'min coin

Tchot passage à France Bleu Picardie por échl'émission "T'es d'min coin" proposée par éch Moête Françoés Morvan... i gn'avoèt lo éd gueuche à droéte ... Françoés Morvan chl'animateu él réalisatriche (un tchot mollé muchée... feut dire qué ch'Françoés i prind dé l'plache) Justine chl'érprésintante dé chl'Offiche tchulturel éd Corbie Clémence Boulfroy por éch Chinte Léo Lagrange d'Anmiens Jean-Marie Thomas por éch parler d'Picardie Gérard Maison  por él seuvwarde dé chl'église éd Wégnarue Adrien Courtois por él vinte éd... [Lire la suite]
Posté par chmahon-vert à 14:48 - Commentaires [0] - Permalien [#]
14 janvier 2015

soirée picarde à Boves

Tchèche éch moête ichi ? ch'est l'tchestion qu'a sro posée Sanmdi 24 dé ch'moés d'jinvier 2015 à 20H30 à l'Salle éd chés Fêtes éd Boves... l'binde éd bros cassés d'chés Dgiseus d'Boves all'insoéyro éd réponde à s'fachon...   Tchèche éch moête ichi ? ou cmint foère montrer à un cinsier qué ch'n'est point toujours li ch'pus bieu... éne pièche amarrée par éch Baveu d'Boves Feut coésir ou éne séinche éd Consél munichipau ouèche qué ch'Maire il est bien seui par ésn'étchipe... éne pièche amarrée par éch Baveu d'Boves ... [Lire la suite]
Posté par chmahon-vert à 10:22 - Commentaires [0] - Permalien [#]
19 décembre 2014

les Compagnons de Lafleur

Ch'est ch'Martché d'Noë à Anmiens ! éne nouvieuté dins ch'quartier chés Halles à ch'pied dé ch'bédouf un titchot village éd Noé fin sympa... d'l'eute côté, ch'est l'rue dé ch'Capieu d'Violettes... pi lo dins ch'locau à chés Conmerçants i gno chés Cabotans éd Picaresk aveuc el Nativité eslon Lafleur... aveuc éne vitrine fin éclairée pi des cabotans qui vous foèt'nt un tchot clognon d'ziu... i gno lo Lafleur... Porichinelle... Sandrine... pi coére Tchot Blaise... ch'Cadoreu... pi pétête Papatchutchu... Les... [Lire la suite]
Posté par chmahon-vert à 18:10 - Commentaires [0] - Permalien [#]