chmahon-vert

Frédric Domon, ch'Lafleur éd viande pi d'ous il est défuncté...Un voéle noér il est dins ch'ciè éd chés Picardisants pi d'chés Picards...Il avoèt bien cangé édpus sin darin méssache dsur sin blog...Os nous doutoèmes bien qu'a n'puvoèt mie durer chl'affoére-lo...Mais o né nous fsoème tout d'minme point à éne pérelle idiée... Mercredi 21 d'juilet, à 13H15, i sro dins sn'habit rouge, dins ch'fond dé s'boête, conme il ainmoèt tant l'foère, tout nazu, tout seu aveuc éch Lafleur, és deuzièmz pieu. Ch'étoèt un coepan, os ainmoèmes él... [Lire la suite]

La Fête Nouormande 2010 Fotaine-eul-bourg L'ASSEMBLÈYE EUD FOTAINE-EUL-BOURG Allez, vlo l'seuite dé ch'passage dé chMahon-vert mon chés cousans nouormands !... In Normandie, i n'feut point és séparer d'sin parpleuve... chtilo i m'foèt pinsier à tchéqu'un mais tchèche don ?... Cha i est... l'brave Bécassine... os z'ons bien vu ch'parpleuve mais l'Bécassine, a s'étoèt muchée ! Comme dins tous chés fêtes éd traditions pi seurtoute région.nales, o sort chés jux tradition.nels ou région.nals ! Incroéyape !... os... [Lire la suite]

O sait bien qu'chés Picards, ch'est chés meilleurs !... mais nous z'eutes à ch'Mahon-vert, a nous impêque mie d'aller vir cho qu'i s'passe mon nous cousans... Après chés Wallons d'Gougnies, ch'est chés Nouormands d'Normandie !   Ene tchote fan d'ésmangne du coeté d'Rouen... qué bon.nheur !D'abord, poser chés valises dins un bieu tchoin, fin trintchille por és joutcher pi s'érposer...Ch'est à Préaux qu'os z'ons arrêtié nou carette...Mon l'Martine pi ch'Pascal qui  l'ont foèt des cambes d'hôtes pi un gîte...la Bichonnière... [Lire la suite]

Ch'Picard il est lo...L'Tchulture picarde all'intéresse...Nou Picardie a vit...I gno qu'à vir ch'printemps qu'chés Dgiseus d'Boves pi ch'Mahon-vert is l'ont ieu ! Cha o cminché par Dourlins, ch'Poèyis d'Charles Dessaint, ch'ti aveuc ses histoéres éd Florimond Long-minton... Lo, ch'étoèt por éne sérée picardisante organisée par ch'Lion's club... éne sérée d'infer ! par un bieu sanmdi d'avri, l'17... Pi vlo qu'dins ch'moés d'moa, él 8... chés Matchés d'carettes il o follu qui s'lanch'nt dins chés jux picards... l'ASAN... [Lire la suite]

Après l'Fête éd la Nature à Fignières pi sin Larris...vlo l'Fête dé zz'Hortillon.nages à Camon ! Sanmdi 29 dé ch'moés d'moaà 14H00ch'Baveu d'Boves pi Titine él Routchineis vous propos'nténe balade-conteslong dé l'Sonme pi dins ch'Marais Hecquet Tout in vous pronmnant, os porrez acouter chés liries qui l'ont éspéchialmint décachés por vous... des mots, des sons, dz'histoéres tout in picard...un boin monmint à passier !por avoér éch programme complet : http://www.amiens.fr/actus/actus.asp?ID=10283

Qué bieu tchoin qué chtilo dé ch'larris d'Fignières à coeté d'Montdidier... Sanmdi 22 dé ch'moés d'moa 2010 Ch'Mahon-vert i sro lo aveuc éne tchote visite dé ch'poèyis...Mariel éch Baveu d'Boves pi Titine él Routchineis sront lo, à chl'églisse, à ch'camp d'soéle, rue dé l'cinse, su l'route dé ch'camp dé ch'drop d'or pi dsur éch larris bien seur por vous foère des liries in picard aveuc édz'histoéres éd leu invintion... Après cho, chés dgides dé ch'Conservatoére éd chés sites naturels is vous front décovrir éch larris... ... [Lire la suite]

Sanmedi 15 dé ch'moés d'moa 2010salle polyvalente éd Sant Saufieuà 20H30ch'Comité des fêtes i vous invite à éne sérée picardisanteaveucChés Dgiseus d'Boves por passier un boin momint aveuc des tchots eskètches, des tchotes histoéres pi à mzure des canchons... tout cho in picard ! intrée gratuite...mais i veut miux réserver por avoér dé l'plache...Mme Joron    03 22 42 14 94chMariel        03 22 09 23 20

cho ch'est un camp d'quérottes in plein chinte d'Anmiens... cho ch'est Jean-Ouis Christen, chl'hortillon d'leune... il est bieu hein !... pi in plein.ne forme... il est gardinier, potier accordéonneu, canteu, vindeu d'lédgeumes pi tout ch'resse... cho ch'est Titine él Routchine pi Mariel éch Baveu d'Boves... quoéqu'ch'est qu'i gno éd commun intér chés troés infos-lo ?... bin vlo diminche 9 dé ch'moés d'moa Titine él Routchine pi Mariel éch Baveu d'Bovesis sront mon Jean-Ouis chl'Hortillon d'leunedins sin gardin in... [Lire la suite]

Ch'bieu temps il est lo... alorse, i feut n'in profiter...Dins l'baie d'Sonme, ch'est ch'Festivau d'chés moénieux...Tcéyeux dsur l'merà ch'Casinodu 10 au 18 d'avri - 11H00/18H00chés bléttes as sé foèt'nt té virLe Hourdeldsur éch portdu 10 au 18 d'avri - 10H30/18H00cmint qu'o fabrique éne blétte...aveuc Papa qui stchuplte pi Manman qua peinture...un boin monmint à passier !pi n'obliez point...Sanmdi 17 d'avri à 20H30à chl'Espace tchulturel éd DourlinsSérée picardisante aveuc chés Dgiseus d'Bovesproposée par Le Lions Clubintrée 6€(vir... [Lire la suite]

Chés Dgiseus d'Boves is sont d'sortie...Sanmdi 17 dé ch'moés d'avri à Dourlins à ch'progranme : 1ère partie : - chés cleus : un honme l'o des problinmes aveuc des cleus mal plachés... és fenme a ll'houspille... ch'docteur i li dit cho qu'i doét foère... éne histoére invraisimblape !- l'déclaration d'naissinche  : un honme un mollé naïus i vient à l'moèrie déclarer sin tchot... i feut des témoins... is n'sont point miux qu'li !- ch'brafe Alfred : deux coupes is jut'nt à cartes... Léontine all'arrife in pleurs... [Lire la suite]