chmahon-vert

Ch'est chl'érprinse... chés gins dé ch'Mahon-vert is l'érprin.n'nt chés routes... in roulotte conme chés balladins... mais vlo, i gno un problinme, aveuc ézz'affoères éd viande dé chl'énnée-chi, is l'ont prins ch'bidet por éne vaque pi is ll'ont matché... i feut qu'is voèch'nt aveuc Tchot Jacques Croédur éd Veuchèle por li imprunter sin beudet Jean... conme cho is sront... à Chambly dins l'Oése chés 14 pi 15 éd septimbe por él Fête dé ch'chide... à Airaines dins l'Somme aveuc leus copans "chés Dgiseus d'Boves" él vindérdi... [Lire la suite]

Qué ch'temps i fuche au bieu... ou bien qu'i fuche à l'pleuve... chés gins dé chMahon-vert is vous attin.n'nt diminche 1er d'septimbe à 14h30 à l'Réserve éd Boves por él darin.ne balade contée dé l'sison... i gnro minme un tchot watieu pi un tchot coeup à boére offert par él BERCHE DE CH'BIO applez chMariel por énn'in savoér éd pusse 03 22 09 23 20  

Moés d'avri Balade éd chésTroés Doms dins ch'Poèyis d'Parmentier dz'histoéres d'ieu dins chés crésson.nières... Un diabe qui vient és'confesser dins chl'église éd Dométien... cha vous foèt drècher vous cveux dsur vou caouète... éne boin.ne tablée dvant chl'église d'Ayencourt... Fin près dé zz'éolién.nes, vlo Don Quichotte pi Sancho Pancha qui min.n'nt batalle...  Moés d'juilet Balade dé ch'tour éd ville por él ducasse à Forchville...  Ertcheullmint à chl'église Sant Vost... Concours éd dgise à... [Lire la suite]

Forchéville ch'est à gueuche dsur l'route d'Albert (ou à droéte, cha dépind éddou qu'o vient)... du côté d'Acheux... point d'trop loin éd Dourllins... i gno là bos éne église dsur l'plache dé chl'église... éne église aveuc un bieu clotcher-bédouf... éne église aveuc un bieu tchoeur ouèche qu'o z'est au frèque... i gno eussi un pigeon.nier in brique... pi coére un chim'tière britannique... normau, ch'est ch'Poèyis dé ch'coquelicot (mahon in picard)... pi des tchiens qui pass'nt leus tiête par chés treus... [Lire la suite]

Chés bieux jours is l'arriv'nt à l'Réserve éd Boves... Titine él Routchine pi ch'Baveu d'Boves is sront lo por vous métte du picard dins vous érelles... mais i gnéro point qu'cho... amiteusmint pi à s'vir

por bien vir clitchez dsur chés photos ch'est un tchoin éd verdure  ouèche qué zz'habitants is sé sint'nt biénaise  évnus lo conme tértous pi des foés oubliés  margré chés colon.nades  is n'vién.n'nt té point dé l'Rome Antique  mais is l'ont vu tértous él leumière  leumière habitée  leumière cathédrale  leumière discrète  des foés... éclatante pi i gno chés grandes avnues aveuc chés bieux hôtels chés plaches incombrées  chés tombes évnues... [Lire la suite]

i foèt bieu.. os sonmes dins ch'moés d'avri... i fudro seurmint warder sin tricot... mais os puvez nous érjoinde por passier éne boin.ne jornée dins ch'Poèyis d'chés Trés Doms... Mariel éch Baveu d'Boves pi Titine él Routchine is sront lo por vous dire toute pi ch'resse...

Diminche 17 dé ch'moés d'févérier 2013 Chambly Fête du Bois Hourdy ... Chl'abe il est dsur l'plache un bieu tchén.ne rinmailloté qui sro breulé à vrèpes por dire qu'il est l'monmint qué ch'bieu temps i fuche...   Dvant cho dins chés rues l'cavalcade a sé sro étirée aveuc ses chars billés d'fleurs in papier crépon... i gnéro chti dé ch'Titanic miratchuleusmint érmonté par éne bouche éd métro... chti dé zz'énnées 30 aveuc ses fenmes charleston.n... aveuc leus chigarettes à longs bécs... chti dé ch'chilémo... [Lire la suite]

Bon, os courons vers éch boin temps mais l'hiver i s'est foèt montrer por s'otcheuper éd chés vermines... pi chés vermines i n'édvroèt pus énn'avoér dins chés gardins ovriers dé l'chité d'chés Ouins-Ouins...  chl'étang Sant Nicolas il avoèt toute d'éne patinoére... mais l'glache a n'étoèt mie solide assiez por qué chl'étchipe d'hotchey éd chés Gothiques d'Anmiens a viénne foère és'intrain.nmint édsur... ch'qui n' o point impêtché qu'i nn'o qui l'ont réeussi à tchitter des traches in seurfache... qué bétal qui... [Lire la suite]

La Sonme poèyis éd légindes... ch'est d'eutant pusse vrai dins l'vallée dl'Hallue dins ch'tchoin d'Fréchincourt ouèche qu'i gno chés puches tornants...   vlo chl'histoére dé zz'Amants d'chés Puches tornnants éd Fréchincourt...  Tchote Jeanne all’étoèt fin rétuse, aveuc ses longs caveux blonds conme chés blés qui covroèt’nt ses épeuilles, ses ziux en amandes coleur noésette, s’bouque solignée par des leuves fines, vermeilles. Toujours billée dins chés pus bielles robes, o s’értornoèt dsur d’elle sitôt qu’a méttoèt... [Lire la suite]