chmahon-vert

le picard vit, le picard se parle, le picard s'écrit...

26 avril 2011

du picard à zz'écoles éd Boves

Info vinderdi 29 d'avri éd 18H à 20H chés gins dé chmahon-vert is vous mettrons du picard dins vous érelles à ch'Café-chitoéyen "Au Cajou" 5, Passage du Logis du Roy à Amiens à vir dsur : http://www.aucajou.com/   Jusse édvant chés congés d'Pâques... chés nazus dé zz'écoles éd Boves, Gentelles pi Cachy is l'ont tchitté tchér leus mécaniques modernes (MP3... DS... boêtes à puches pi tout ch'diabe sins train)... tout cho por vir un tchot mollé cmint qu'a s'passoèt por leus taïons pi leus taïon.nes quand qu'is l'étoèt'nt... [Lire la suite]
Posté par chmahon-vert à 12:34 - Commentaires [2] - Permalien [#]

23 mars 2011

un martché point conme ézz'eutes

Diminche 3 d'avri, tout l'jornée, n'mintchez point d'évnir à ch'liméro 505 dé l'Queuchée Jules Ferry à Anmiens... ch'est jusse in fache dé ch'lavage éd carettes "chl'Eléphant Bleu"... Nous z'eutes dé chMahon-vert, os srons lo aveuc tchèques jux picards pi nous voéx por apporter du picard à chés gins... I s'in vo i avoér là-bos un Martché point conme ézz'eutes... ch'Martché dé zz'Altérnatives... Cha vut dire qu'i gn'éro là-bos un mont d'gins aveuc dz'idiées du contraire éd chétolles équ'chertains is veul'nt absolumint qu'o... [Lire la suite]
Posté par chmahon-vert à 18:04 - Commentaires [0] - Permalien [#]
13 mars 2011

chmahon-vert pi chés troés mousquetaires

L'eute coeup, chMahon-vert l'o té foère un tchot tour à Bruxelles... por aller vir chl'éspectaque dé ch'Téyate éd marion.nettes TOONE... Quand qu'os êtes dsur l'plache d'Espagne... os passez dvant chés Galries roéyales... os prindez l'rue dé ch'Martché aux hérbes... pi lo, i gno éne impasse : chl'impasse Sante Pétronille... ch'est un couloér... Dins ch'fond o n'puvez mie l'ratier... pi dsur chés murs, os avez djo chl'ieu à vou bouque... os continuez l'rue dé ch'Martché aux hérbes pi à droéte, os tchésez dsur l'Tchote Rue... [Lire la suite]
Posté par chmahon-vert à 18:57 - Commentaires [0] - Permalien [#]
18 février 2011

des nazus pi du picard

Chés nazus dé chl'ergroupmint pédagogique d'Aubigneu, Busseu pi Vecquemont is sé sont mis à l'heure du Picard dvant dé s'rinde à l'sérée picardisante organisée par l'APERVAB... chl'Achuchon d'chés Pérints d'Eleufes dé chl'eRgroupmint Vecquemont-Aubigneu-Busseu... Ch'est Mariel éch Baveu d'Boves qui leu o apporté l'boin.ne parole ! Ch'Lafeur il est minme évnu li prêter la man... Sandrine a n'voloèt mie qué ch'brigand d'Lafleur i foèche capelle dins tous chés bistros... all'est vnue eussi por miler tout cho ! Zz'éfants... [Lire la suite]
Posté par chmahon-vert à 19:50 - Commentaires [1] - Permalien [#]
06 février 2011

du picard à Vecquemont

VECQUEMONTSanmdi 12 éd Févérierà 20H30à l'Salle éd chés FêtesSérée picardisanteorganisée parAPERVABAchuchon d'chés Pérints d'Eleufesdé chl'éRgroupmintVecquemont-Aubigny-Busseuaveuc chés Dgiseus d'Bovesdu picard plein vou bouqueaveuc chés Liries téyatralisées.Por chés rinsin.nmintsch'Mariel03 22 09 23 20
Posté par chmahon-vert à 17:03 - Commentaires [0] - Permalien [#]
13 janvier 2011

Dgiseus in scin.ne

L'29 dé ch'moés d'jinvier...Chés Dgiseus is sront à l'Salle d'chés Fêtes éd Bovespor éne sérée picardisante... Is fêtront leus 10 énnées d'téyate éd brun... Os purrez rvir des tchotes scin.nes qu'is l'ont invintées por leus éspectaques... Is l'ont coési ch'pusse miux dé ch'pusse pire ! I n'fudro seurtoute point és'prinde au sérieux ! Os comptons dsur vous por évnir foère éne partie d'rigolade..   Por énn'in savoér éd pusse... os applez ch'Mariel 03 22 09 23 20 ou bien os li écrivez chmarield@yahoo.fr
Posté par chmahon-vert à 14:41 - Commentaires [0] - Permalien [#]

04 janvier 2011

in route vers 2012

Chouo, nou coepan dé l'Quiérache, i n'm'in vudro mie d'avoér seui sn'idiée...
Posté par chmahon-vert à 14:39 - Commentaires [7] - Permalien [#]
22 décembre 2010

Gn'éro-ti des neiges por chés fêtes éd Noël ?...aveuc él couche qua l'o tcheu darin.nmint, si qu'a n'tchè pus, i nn'in restro por seur !   Mais dvant qu'tout cho a fonche pi qu'a dvién.ne gadrouilleu dins chés rues... rbéyons éne foés coére chl'éspectaque qué l'poude blanque a tchitte à nous ziux...   éne barrière dins ch'fond dé ch'gardin... chés choux dins ch'gardin : is l'ont attrapé l'grosse tiête... chl'hayure qua boèche ses bros dvant un parel trahal... ch'limpadaire qui l'o mis ses calottes éd... [Lire la suite]
Posté par chmahon-vert à 13:10 - Commentaires [4] - Permalien [#]
18 décembre 2010

  Il o seuffi d'arbèyer par él croésée pour vir qu'il avoèt tcheu des neiges... est bieu des neiges dsur chés cartes postales... mais quand qu'os z'ons à foère aveuc, o né zzès voét point aveuc él minme ziu... Ch'est un mollé cho qu'is dis'nt nous cousans d'Jersey dins leus tchots poinmes in jérriais... La Né   Quand je m'rêvillyi hier au matin, La terre 'tait blianche et cou'erte de né. Je m'en fus vite dans not' gardin Et auve man frèthe je m'mins à jouer.    Je n'resti pon longtemps dêhors Car... [Lire la suite]
Posté par chmahon-vert à 17:30 - Commentaires [2] - Permalien [#]
09 décembre 2010

Chés rin.nes dé ch'Père Noë

Ch'est biétôt Noë... infan point coère tout à foèt l'heure, mais a vient... i gno d'cho tchèques temps, Joël Bliaux, il avoèt écrit éne histoére dsur chés rin.nes dé ch'Père Noë ! Nous z'eutes chés Dgiseux d'Boves, os avoèmes trinsformé sn'histoére in téyate por éne sérée picardisante à Boves in 2007... ... pi aveuc ézz'événmints qui gno ieu cht'énnée-chi, durant chl'aprèzeut, bin, ch'conte éd Noë-lo, il est tout à foèt dins chl'actualité ! Prindez l'temps dé l'lire, ch'est nou cadieu d'Noë à tous chés matchés d'picard... [Lire la suite]
Posté par chmahon-vert à 19:01 - Commentaires [2] - Permalien [#]