chmahon-vert

le picard vit, le picard se parle, le picard s'écrit...

18 décembre 2010

  Il o seuffi d'arbèyer par él croésée pour vir qu'il avoèt tcheu des neiges... est bieu des neiges dsur chés cartes postales... mais quand qu'os z'ons à foère aveuc, o né zzès voét point aveuc él minme ziu... Ch'est un mollé cho qu'is dis'nt nous cousans d'Jersey dins leus tchots poinmes in jérriais... La Né   Quand je m'rêvillyi hier au matin, La terre 'tait blianche et cou'erte de né. Je m'en fus vite dans not' gardin Et auve man frèthe je m'mins à jouer.    Je n'resti pon longtemps dêhors Car... [Lire la suite]
Posté par chmahon-vert à 17:30 - Commentaires [2] - Permalien [#]

09 décembre 2010

Chés rin.nes dé ch'Père Noë

Ch'est biétôt Noë... infan point coère tout à foèt l'heure, mais a vient... i gno d'cho tchèques temps, Joël Bliaux, il avoèt écrit éne histoére dsur chés rin.nes dé ch'Père Noë ! Nous z'eutes chés Dgiseux d'Boves, os avoèmes trinsformé sn'histoére in téyate por éne sérée picardisante à Boves in 2007... ... pi aveuc ézz'événmints qui gno ieu cht'énnée-chi, durant chl'aprèzeut, bin, ch'conte éd Noë-lo, il est tout à foèt dins chl'actualité ! Prindez l'temps dé l'lire, ch'est nou cadieu d'Noë à tous chés matchés d'picard... [Lire la suite]
Posté par chmahon-vert à 19:01 - Commentaires [2] - Permalien [#]
01 décembre 2010

chés patrouilleusses éd Bértangues

Bertangues, ch'est ch'poèyis d'Jean-Ouis... chl'hortillon d'Leune... chtilo qui gardine des bieux lédgeumes bio dins zz'hortillonnages à Rivry, Impasse Marcel... mais à BertanguesJean-Ouis ch'est li ch'pérzidint dé chl'achuchon dé chl'atéier d'pot'rie d'Bertangues... ouèche qu'o foèt des pots... dz'assiéttes... des vases pi tout cho... à Bertangues, ch'est là-bos qu'o put rincontrer... chés patrouilleusses éd beueas s'értreuv'nt dins chl'atéier d'pot'rie... pi soin à vous, ch'est qu'cha trahalle lo-ddins... ... [Lire la suite]
Posté par chmahon-vert à 18:10 - Commentaires [0] - Permalien [#]
05 novembre 2010

chés couleurs éd l'aprézeut

I gno chés bieux jors... ch'boin temps... chl'aprézeut... pi chés corts jors !Os sonmes à ch'monmint d'l'aprézeut aveuc tous chés biélles couleurs dé zz'abes...ch'gannech'rougechl'orangech'marron...chés couleurs éd fu ! qu'est -ti bieux dins chés campangnes ! pi in ville don... ch'est tout rimpli d'couleurs !... I gno d'l'orange... I gno du rouge... pi coére des couleurs éd fu... Incroéyabe, i gno minme du bleu !... pi, point toujours él minme bleu... ch'bleu-lo, cha dépind dé chl'abe à préserver... pi... [Lire la suite]
Posté par chmahon-vert à 19:07 - Commentaires [4] - Permalien [#]
27 octobre 2010

Lafleur i s'prépare

Posté par chmahon-vert à 17:25 - Commentaires [1] - Permalien [#]
20 octobre 2010

Soldes à Anmiens

I nn'o ti du monde dins chés rues à Anmiens chés temps-chi !...A sroèt-ti chés soldes ?...Bin nan portant, ch'n'est point ch'monmint... pi por cho, i gno des loés éstriques !A moins qu'a fuche ch'monmint d'chés soldes à ch'gouvernmint...amiteusmintch'Baveu d'Boves
Posté par chmahon-vert à 09:17 - Commentaires [0] - Permalien [#]

14 octobre 2010

Gazette L°49

Bon, nous vlo à ch'moés d'octobepil'Gazette éd chés Dgiseus L°49 a vient tout jusse dé déssatcher...ch'est du picard éd gueuche à droétepidu heut dusqu'in bos ! Quoéqu'ch'est qu'o put lire lo-ddins ? pages 2-3-4-5 Honmage à Frédéric Domon ch'Lafleur pi éne tchote pièche : "D'ouèche équ'tu viens ch'Lafleur ?" Lafleur - Rvnez-i coére... binde d'oésieux d'malheur... imbréneus d'pouiller... assoéfeus d'déshydratés !... pasque du chirop d'galoches, ch'n'est point cho qui minque in nsous d'mes queuchures... nan... [Lire la suite]
Posté par chmahon-vert à 18:15 - Commentaires [0] - Permalien [#]
06 octobre 2010

Un dimainche à Paillart (60)

Dimainche él 10 dé ch'moés d'Octobea sro la Fête à Paillartdins l'rue dé ch'pont à beudetspi por tout l'jornée... éd 10H à 18H Rindez-vous à l'Cinse dé ch'Val éd Noéye l'cinse à Manme Cnudde i gnéro un mont d'producteurs éd toutes les sortes... i gnéro du formage, du van, du pan, du mié, dé l'bière, des lédgeumes, des jux picards, des dinses éd covboés... pi i gnéro d'quoé bien mier pi à mzure un coeup à boére... pi seurtoute o porrez goûter tout cho qu'o foèt aveuc du canérd !
Posté par chmahon-vert à 17:47 - Commentaires [1] - Permalien [#]
10 août 2010

Un dimainche à Boves

évnez don dimainche 22 dé ch'moés d'eut... à l'Réserve naturelle éd Boves... à côté dé ch'Pont prussien... éd 15H à 18H... i gnéro du monde pi os srez bien atcheuillés... seurtoute qué ch'Baveu d'Boves pi Titine él routchine... .. is sront lo por vous lire édz'histoéres... édz'histoéres éd diapes... édz'histoéres éd tchurés... édz'histoéres éd chés sangneurs éd boves... edz'histoéres polissonnes... édz'histoéres dsur toute pi érien... is vous parlront d'chés plantes... is vous parlront... [Lire la suite]
Posté par chmahon-vert à 16:35 - Commentaires [0] - Permalien [#]
04 août 2010

L'Baie d'Sonme ch'est eussi cho...

Bin ouès, sovint, ch'est dé l'côte qu'os rbéyons l'Baie d'Sonme... mais, si qu'o z'est dsur un batieu, ch'n'est point du parel minme... pi ch'est probape por éne eute boin.ne cose... Lo, os sonmes au Crotoy, à l'déchinte à batieux d'l'eute côté dé ch'port... Li, ch'est Tonton Pat... éch capitain.ne, chl'éspéchialisse in cannes à pêque, in molinets, in mitraillettes pi tout cho... Pi os savez qu'i sait étnir él barre... ch'est ch'pus boin éskipeur dé l'Baie... Os avez vu écmint qu'il est bâti... ch'est por cho qu'i feut... [Lire la suite]
Posté par chmahon-vert à 14:16 - Commentaires [1] - Permalien [#]