fin d'année picarde au lycée

cha i est

ch'est l'fan d'énnée por ézz'leuves dé l'Terminale ES

dé ch'Lycée Sant Riquier d'Anmiens...

i s'in vont don passier leu BAC

mais dvant cho

is leu ont bien anmeusé

durant leu sérée picardisante

qua fêtoèt l'fan d'énnée por échl'atéier picard...

por cho, is l'ont té aidiés par

Virginie leu professeu d'cartchul...

ch'Pascal leu professeu d'économie...

aveuc por ézz'aidier Mariel éch Baveu d'Boves...

éne boin.ne sérée

aveuc un boin patchet éd spectateus...

in preum, i gno ieu éne pièche dé ch'Lafleur

"ch'cleu d'Napoléon"...

aveuc chl'Hugues dins ch'rôle éd Milord...

aveuc Marie-Pauline dins ch'rôle éd Lady...

ch'Pascal dins ch'rôle éd Lafleur...

aveuc Sofiane dins ch'rôle dé ch'viux Tran.neu...

aveuc Fanny dins ch'rôle dé chl'Inspectriche...

ch'Valentin dins ch'rôle dé ch'Cadoreu...

après cho

cha o té éne pièche campagnarde

"ch'nid d'Picziux"...

aveuc ch'Dylan dins ch'rôle dé ch'Patron cinsier...

aveuc  Laureen dins ch'rôle éd Margrite él vaque...

 aveuc Sofiane dins ch'rôle  dé ch'Parisien naïus...

après cho

cha o té éne pièche gardinière

"ch'Tabaga d'Grand-père"...

aveuc Sophie dins ch'rôle dé l'Diseuse...

aveuc Laureen dins ch'rôle éd Grand-mère...

aveuc ch'Dylan dins ch'rôle éd Grand-père...

aveuc ch'Pascal dins ch'rôle dé ch'Fiu...

aveuc Virginie dins ch'rôle dé l'File...

aveuc ch'Valentin dins ch'rôle dé ch'Tchien...

aveuc ch'Maxence dins ch'rôle dé ch'Cot...

aveuc Marie-Pauline dins ch'rôle dé l'Soéris...

patatra !...

aveuc Fanny dins ch'rôle dé l'Passante...

éne histoére point triste du toute...

 après cho

cha o té éne pièche agricole

"chés congés"...

aveuc Fanny dins ch'rôle éd Sidonie...

aveuc Sofiane dins ch'rôle éd Phonse...

aveuc Maxence dins ch'rôle éd Tchot Doére...

aveuc Virginie dins ch'rôle éd Léonie...

aveuc Sofiane qui l'insoèye ch'maillot à Sidonie...

aveuc ch'Dylan dins ch'rôle dé ch'Facteu..

des drôles éd congés d'après ch'jornal...

après cho

cha o té éne pièche éscolaire

"ch'problinme"

os prindez éne classe aveuc des join.nes un tchot mollé turbulents...

aveuc un moète un tchot mollé dépassé...

aveuc éne dirigeuse granmint décontracté

pi

un inspecteu à mitan sourd...

cha don.ne éne classe esplosive

aveuc un moète au bord dé ch'seuichide

quand qué ch'concierge i li don.ne éch message dé s'fenme por chés conmissions...

l'sérée a s'o fini aveuc éne canchon...

"à ch'Lycée Sant Riquier"

dsur chl'air dé "ch'Lycée Papillon" détorné par ch'Mariel

i gno point d'photos

mais

os puvez lire chés paroles...

amiteusmint à tértous

pi boins congés !...

él canchon détornée

Ch’lycée

 Elève Paulain.ne ?

 - Présinte !

Os êtes él prémière in histoére dé l’Sonme ?
Os allez m’parler dé ch’brigand d’Lafleur

Ch’qu’il o foèt dé s’vie ? éne vraie histoére d’honme

Si qu’os m’répondez bin os srez l’meilleuré…

Mossieur chl´Inspecteur
mi éj sais cho par tchœur…

Lafleur l’étoèt né in nsous Louis Philippe

Beutchoèt chés tchurés à grands coeups d’galoches

Ch’est li qui buvoèt tous les jours du flipe

Il étoèt por cho éch roé éd la noche…

 Chl’histoére all’est neuve
Ch’est bien os érez neuf…

Os n’sonmes point édz’imbéchiles
Os z’ons minme éd l’instreuction
A ch’lycée saint saint

A ch’lycée ri ri
A ch’lycée Saint Riquier

Elève Viulapin ?

 - Présint !

Os con.noèssez bien chl’histoére nateurelle

Ej vodroès savoér ch’qu’est un reuminant

Don.nez-mé des noms pi éj vous l’rappelle

Ej vous mets un dix si qué j’sus contint…

 Mossieur chl´Inspecteur
mi éj sais cho par tchœur…

Chés reuminants ch’est édz’hélicoptères
Parels à l’lingousse ou bien ch’rot d’égout

A chl’égvau éd bos, éch pou pi m’bielle mère
Qu’all’bave dsur tout l’monde pi qu’all’avale toute…

J’voloès nn’avoér pusse
Os érez heuit... point d’pusse…

Os n’sonmes point édz’imbéchiles
Os ons minme éd l’instreuction
A ch’lycée saint saint

A ch’lycée ri ri
A ch’lycée Saint Riquier

Elève Dylan ?

 – Présint

 O dit qu’in cartchul os êtes admirabe

Os puvez ti m’dire cho qu’ch’est qu’un partage

J’croés bien équ’vous père il étoèt comptabe

A l’sétchu sochiale cho ch’est un présage…

 Mossieur chl´Inspecteur
mi éj sais cho par tchœur…

 Un partage ch’est simpe ch’est conme in politique

Des gins plein d’idiées prêts à partager

Pasqu’éne foés élus lo i gno un hic

Vu qu’ch’est dins leus poques qu’is veul’nt intasser…

 Tu voés min titchot

Tu n’éros point pusse équ’cho…

Os n’sonmes point édz’imbéchiles
Os ons minme éd l’instreuction
A ch’lycée saint saint

A ch’lycée ri ri
A ch’lycée Saint Riquier

Elève Laureingne ?

 - Présinte !

 Os êtes él méilleur in giographie

Réchitez-mé tous chés départémints

Chés fleuves pi chés villes éd la Picardie

Zz’éspéchialités pi zz’érprésintints ?...

 Mossieur chl´Inspecteur
mi éj sais cho par tchœur…

 Ch’est in Picardie équ’coule l’Amazon.ne

Capitale Dunkerque pi chef liu Frotte-Tchuisse

Gno des lindimolles pi des gravinchons

Chés roés is cachoèt’nt mais seurtoute Clovis…
Ch’est qu’os êtes calée
Z’avez dix sins hésiter…

Os n’sonmes point édz’imbéchiles
Os ons minme éd l’instreuction
A ch’lycée saint saint

A ch’lycée ri ri
A ch’lycée Saint Riquier

Elève Maxinche ?

 - Présint !

Por vous point d’escret in anatonmie

Os allez m’érdire tout cho qu’os savons

Cmint qu’un ête heumain i foèt por és vie

Tous chés manicraques pi tous chés fonctions…

 Mossieur chl´Inspecteur
mi éj sais cho par tchœur…

 Os avons des bros ch’est por imbracher

Du sing por sintir, des dints por dinser

Ch’est grâche à nou panche qu’os puvons pinser

Nous reins por rincher, nou foée por fouetter…

 Bien ch’est clarinette

Mais cha n’veut point pusse éd’sept…

 Os n’sonmes point édz’imbéchiles
Os ons minme éd l’instreuction
A ch’lycée saint saint

A ch’lycée ri ri
A ch’lycée Saint Riquier

Elève Fifi ?

 - Présinte !

O êtes él darin.ne pi cha m’rind tout cose

Os êtes ramonchlée dins ch’fond dsur éch banc

In phulosophie os savez-ti tchèque cose

Répondez-mé ouès, répondez-mé nan…

 Mossieur chl´Inspecteur
mi jé n’sais rien par tchœur…

 Ch’est vrai j’sus l’darin.ne pi o m’dit sinisse

éd cho éj’m’in fous près dé ch’radiateur

Ch’est qu’pus tard éj vux dévnir prémier minisse

Moins qué j’srai calée pusse équ’j’érai d’valeur…

 Lo éj sus dsur l’tchul

Z’érez zéro z’êtes nul…

 Os n’sonmes point édz’imbéchiles
Os ons minme éd l’instreuction
A ch’lycée saint saint

A ch’lycée ri ri
A ch’lycée Saint Riquier