les Compagnons de Lafleur

Ch'est ch'Martché d'Noë à Anmiens !

éne nouvieuté dins ch'quartier chés Halles

à ch'pied dé ch'bédouf

un titchot village éd Noé fin sympa...

d'l'eute côté, ch'est l'rue dé ch'Capieu d'Violettes...

pi lo dins ch'locau à chés Conmerçants

i gno chés Cabotans éd Picaresk

aveuc el Nativité eslon Lafleur...

aveuc éne vitrine fin éclairée

pi des cabotans qui vous foèt'nt un tchot clognon d'ziu...

i gno lo

Lafleur... Porichinelle... Sandrine...

pi coére

Tchot Blaise... ch'Cadoreu... pi pétête Papatchutchu...

Les Compagnons de Lafleur ch'est l'troupe éd Cabotans à Pierre Louchard, qui s'étnoèt à l'Chité escolaire d'Anmiens in 1964...

du temps qu'j'usoès mes fonds d'patalon là-bos...

minme équ'cha m'o foèt queud à min tchoeur éd vir dsur chés programmes éd l'époque ch'nom d'éne grande copine qua l'étnoèt chés rôles éd fenmes, partitchuliérmint Sandrine dins chés bouffondries...

ch'est Brigitte Clairé d'Tchéyeux dins l'Baie d'Sonme qua nous o malhureusmint tchitté i gno d'cho bien dz'énnées...

 

  Laurent Devisme, Cécile Elouet pi Adrien Helminiak

is vous présint'nt durant chés Fêtes éd fin d'énnées

l'pièche "La Nativité éslon Lafleur"

courez-zi, os srez éton.nés pi os vous ameusrez bien...