chmahon-vert

Dins ch'moés d'octobe, zz'éfants dé l'classe éd CM2 dé chl'école éd chés Deux Vallées d'Boves is l'ont foèt ch'pos por apprinde leu troésième langue...  Biéseur, ch'est justémint ch'Baveu d'Boves qui s'o attatché à ch'trahal-lo...  Il o érprins ahite ses gestes éd quand qu'il étoèt maristér... Zz'éfants is n'ont point pus foère eutérmint qué dé l'admirer... Seurtoute quand qu'il o cminché à parler in picard pi écrire in picard... mais cho qui zz'o coére pusse ébeubis... ch'est quand qu'il o dessiné  in picard... [Lire la suite]

In 1982, éne coopérative Biocoop a s'ouve dins l'friche industrielle à ch'L°219 dé l'route d'Adville à Montières (Anmiens)...  In 2002, chl'Olivier pi l'Karen is l'racat'nt por foère éne SARL Biocoop...    In 2006, is déménaj'nt à ch'L°505 dé l'queuchée Jules Ferry d'Anmiens por foère él Biocoop d'Anmiens...   In 2007, is freum'nt él boutique dé l'route d'Adville... In 2012, is déménajront à ch'L°84 dé l'route d'Anmiens à Dury por rintrer dins un bâtimint tout neu à basse consonmation...   ... [Lire la suite]

Chés Matcheus d'gueugues, ch'est ch'surpitchet dé zz'Anmiénoés... à coeuse qu'is sé sont foèts avoér par ézz'Espagnols durant l'Dgerre éd Trinte ans, i gno d'cho un sapré bout d'temps ! Des matcheus d'gueugues, i nn'o tout partoute... i nn'o minme un qui l'arpinte min gardin tout long du jour vu qu'il est tapissé d'gueugues qui nn'in finit'nt té point d'tchèr seurtoute aveuc éch vint qu'os avons dins chés prémiers jours éd l'aprézeut... il est telmint bieu ch'bétal-lo qué j'n'ai point mantché dé l'photographier in route à foère sin... [Lire la suite]

Os con.noèssons la Picardie par ses 3 départémints : l'Aisne (02), l'Oése (60), l'Somme (80)... l'grande provinche historique ch'est bien pusse équ'cho... mais por cho, i feut con.noète la Picardie linguistique... Ch'Pas d'Calais (62) i nn'in foèt partie... pi dins ch'Pas d'Calais i gno éne sous-préfecteure qua s'appelle Montreuil sur mer... un vrai tchot poèyis picard ! "Fidelissima picardorum natio" ch'est cho qu'il o dit Henri IV in chl'énnée d'grâche 1606 in parlant d'Montreul dsur l'mer... ch'qui vut dire : "La plus fidèle... [Lire la suite]

Bin ouès... cha i est, chés parpleuves is sont sortis ! mais ch'solé il o partitchulièrmint brillé dins nou boin.ne Picardie... notammint grâche à nou langue qua don.ne tant d'caleur dins chés tchoeurs ! Biéseur, i gno tous nous copans d'chés jux, chés conteus, chés téyateus, zz'écriveus qu'a fuche por éch compte éd leus achuchons ou por éch compte éd chés fédérations conme "Tértous" ou por chl'Aginche por éch Picard ou bien coére por "chés Wèpes"... pi i gno tous chétlos qui zz'acout'nt... Mi j'vous parlrai seurtoute... [Lire la suite]

Garnoulles dé l'mare ou bien d'bénitier... Hérons à long co pi longué tchilles... Cache à canards ou pêque au Moéyan-âge... Evnez don dimainche 30 éd juilet à 14H30 à l'Réserve éd Boves... os pass'rez un boin monmeint ! pi i gn'éro un coeup d'chide après l'tchote rinche...

Dimainche 10 éd juilet i gn'avoèt du picard dsur chés cmins dé l'Réserve naturelle éd Boves... Vlo chés rescapés qui l'ont ieu l'droét d'boére un coeup d'chide por leu érmette d'éne parelle avinteure... Dimainche 17 éd Juilet ch'est chés Wèpes éd la batellerie... os vous don.nons rindez-vous à 10H à Longueil Annel à l'Chité d'chés Batéliers por éne tchote balade ouèche qué ch'Mariel ch'Baveu d'Boves pi Titine él routchine is s'in vont vous triner dsur chés bords éd l'Oése por des liries qui parl'nt éd chés batéliers pi... [Lire la suite]

 Diminche 10 dé ch'moés d'juilet chl'Achuchon "ch'Mahon-vert" aveuc Titine él Routchine pi Mariel ch'Baveu d'Boves     a vous rchu à l'Réserve naturelle éd Boves Rindez-vous à ch'Pont prussien à 14H ch'Thomas dé CPIE i vous parléro dé l'Réserve... ch'Mariel pi Titine is vous diront dz'histoéres éd bétals à pattes pi à z'ailes... in picard biéseur ! por énn'in savér éd pusse : 03 22 09 23 20        

Des bouzrés dins conme qui diroèt éne salle d'éspéctaque... Ah !... gno eussi des grandes gins... i nn'o minme un qui flime por FRANCE 3 ! Bon tchèche qu'i gno : ch'caméraman o n'sait mie sin nom... l'fenme ch'est Sylvie Iacono dé ch'CRDP pasqu'os sonmes à ch'CRDP... drière d'elle, ch'barbu, ch'est Jean-Marie Braillon, un picard éd Quiérache... à côté ch'est Bertrand Cuvelier, ch'Pérzidint dl'APP (Aginche Por éch Picard)... coére à côté, ch'est Philippe Boulfroy, un Picard édl'Oése... à côté coére, ch'est Jean-jacques Stoter dé... [Lire la suite]

Quoé qu'a nn'est qu'cho ? éne sorte éd Robocop ? éne créature dé ch'Dr Frankenstein ? Nan voéyons, ch'est li ch'fabritchant... nou coepan Laurent !... I n'foèt mie dins chés flims fintastiques ! Béyez conme i trahalle bien... I n'li manque qu'à tchitter s'langue passier por foère montrer qu'i s'applique !  A foèt peur tout d'minme des parels bétals ! Chl'Adrien i nn'in perd point éne miotte.. Vingt-diux, a n'sroèt ti point l'caouète à chl'Hinri IV quate chavates maillot rouge tiête d'indoulle... qu'o z'o... [Lire la suite]